Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը օգոստոսի 31-ին — սեպտեմբերի 1-ին Բիշքեկում մասնակցել է «ՇՀԿ պլյուս» գագաթնաժողովին:

Պետությունների ղեկավարները և միջազգային կազմակերպությունների ղեկավարները քննարկել են տնտեսական փոխգործակցության հարցերի լայն շրջանակ։ Որոշվել են Շանհայի համագործակցության կազմակերպության զարգացման ռազմավարական վեկտորները և համաձայնեցվել նոր համատեղ նախաձեռնություններ:

Քննարկման առանցքային թեման էր միավորման արդիականացումը՝ նվիրված վերջինիս 25-ամյակին, որի կարգախոսն է՝ «ՇՀԿ-ն 25 տարեկան է. միասին՝ դեպի կայուն խաղաղություն, զարգացում և բարգավաճում»։

Գագաթնաժողովի մասնակիցները քննարկել են վճարային համակարգերի և ներդրումային հարթակների կատարելագործումը, տնտեսությունում և պետական կառավարման մետ թվային ստանդարտների և նոր տեխնոլոգիաների ներդրումը։

Հատուկ ուշադրություն են դարձրել տարանցիկ միջանցքների զարգացմանը և Կենտրոնական Ասիայում տրանսպորտային փոխկապվածության բարձրացմանը։

Եվրասիական տնտեսական միության և Շանհայի համագործակցության կազմակերպության երկրները ձևավորում են եվրասիական տարածքի միջուկը։ Դրանց փոխգործակցությունը մեծապես որոշում է տարածաշրջանի հետագա զարգացման վեկտորը։ ԵՏՀ-ն և ՇՀԿ քարտուղարությունը փոխգործակցում են համապատասխան հուշագրի շրջանակներում:

Գագաթնաժողովի արդյունքում պետությունների ղեկավարները Բիշքեկյան հռչակագիր են ընդունել։ Փաստաթուղթը նախատեսում է անցում ՇՀԿ շրջանակներում խոշոր բազմակողմ նախագծի գործնական իրականացմանը, այդ թվում՝ ժամանակակից թվային տեխնոլոգիաների և արհեստական բանականության կիրառմամբ։

ՇՀԿ-ն միավորում է տասը անդամ պետություն՝ Բելառուսը, Հնդկաստանը, Իրանը, Ղազախստանը, Չինաստանը, Ղրղզստանը, Պակիստանը, Ռուսաստանը, Տաջիկստանը և Ուզբեկստանը։ Բիշքեկյան հանդիպմանը հրավիրված էին նաև երկխոսության մասով գործընկեր և դիտորդ պետությունների, շահագրգիռ երկրների, մի շարք միջազգային կազմակերպությունների և միավորումների գործադիր մարմինների ներկայացուցիչներ։

ԵՏՀ-ի և ՇՀԿ քարտուղարության միջև Փոխըմբռնման հուշագիրը ստորագրվել է 2021 թվականին։