Նորություններ

Նշենք, որ Եվրասիական տնտեսական միությունում երկաթուղային տրանսպորտի նկատմամբ բարձր պահանջներ են ներկայացվում՝ առաջին հերթին, միութենական երկրների քաղաքացիների անվտանգության համար։ Նման ապրանքների որակի և անվտանգության ստուգումը ամենախիստ ստուգումներից է, իսկ սահմանված ստանդարտներին արտադրանքի համապատասխանության ապացույցը համապատասխանության հավաստագիրն է: Այս փաստաթուղթը պարտադիր է արտադրողների, ներմուծողների և վաճառողների համար:

Համապատասխանության գնահատումն իրականացվում է Միության երկրների կողմից ընդունված երեք գործող տեխնիկական կանոնակարգերի հիման վրա՝ երկաթուղային շարժակազմի, արագընթաց երկաթուղային տրանսպորտի և երկաթուղային տրանսպորտի ենթակառուցվածքի անվտանգության մասին:

Բայց առկա են բացառություններ, որոնք ընդունվում են, օրինակ, ԵԱՏՄ այս կամ այն պետությունում որոշակի տնտեսական առանձնահատյություններով պայմանավորված։ Հանձնաժողովի համապատասխան որոշմամբ վերոնշյալ ցանկը լրացվել է կիսավագոնների 12-9920 և 12-9941 մոդելներով, որոնք արտադրվել են Ղազախստանում։ Դրանց վերանորոգման և սպասարկման ընթացքում հնարավոր է օգտագործել կոնաձև առանցքակալատուփերի համար նախատեսված գլորման առանցքակալները առանց համապատասխանության գնահատման փաստաթղթերի: Սակայն նման կիսավագոնների շահագործումը թույլատրվում է միայն Ղազախստանում, որտեղ կսահմանվի ազգային լիազոր մարմինների խիստ վերահսկողություն։