«ԵԱՏՄ և Մարոկոյի միջև առևտրատնտեսական փոխգործակցությունը մեծ ներուժ ունի, — նշել է ԵՏՀ նախարարը: — ԵԱՏՄ երկրների և Մարոկոյի միջև ապրանքաշրջանառությունը դրական դինամիկա է պահպանում. 2025 թվականին այն ավելացել է 17%-ով և կազմել ավելի քան 2 մլրդ դոլար»:
Ըստ Դանիյար Իմանալիևի՝ Եվրասիական տնտեսական հանձնաժողովի և Մարոկոյի կառավարության միջև համագործակցության հուշագիրը լավ հիմք է ստեղծում տնտեսական հարցերի լայն շրջանակի շուրջ երկխոսության զարգացման համար և ուղղված է տարբեր ոլորտներում ռեգուլյատորիկայի զարգացման արդիական հարցերի վերաբերյալ պաշտոնական և գործարար շրջանակներին տեղեկացնելուն:
Մարոկոյի դիվանագիտական առաքելության ղեկավարն իր հերթին անդրադարձել է ԵԱՏՄ երկրների հետ առևտրատնտեսական կապերի զարգացման հեռանկարներին, ինչպես նաև Միության անդամ պետությունների համար Մարոկոյի ներուժի օգտագործմամբ Աֆրիկայի ամբողջ տարածաշրջանի հետ առևտրատնտեսական կապերի զարգացման համար ստեղծվող հնարավորությունները:
Կողմերը կարևորել են արդիական հարցերի շուրջ ոլորտային փոխգործակցության զարգացումը և ընդգծել համատեղ խորհրդակցությունների կազմակերպման պատրաստականությունը, այդ թվում՝ ԵԱՏՄ երկրների և Մարոկոյի գործարար համայնքի տեղեկացման համար:
Եվրասիական տնտեսական հանձնաժողովի և Մարոկոյի Թագավորության կառավարության միջև համագործակցության հուշագիրը ստորագրվել է 2017 թվականի սեպտեմբերի 28-ին Ռաբաթում: Փաստաթուղթն ուղղված է տնտեսական հարաբերությունների և փոխգործակցության ամրապնդմանը, ներառյալ առևտրային կապերի աճը և տարբերակումը, ինչպես նաև շուկաների փոխադարձ մուտքի պարզեցումը:
Մարոկոն օգտվում է սակագնային արտոնություններից ԵԱՏՄ առանձնաշնորհների համակարգի շրջանակներում: Սա նշանակում է, որ Մարոկոյի որոշ ապրանքների համար ԵԱՏՄ տարածք ներմուծելիս կարող են կիրառվել իջեցված կամ զրոյական սակագներ:
