Եվրասիական տնտեսական միության պետությունների ղեկավարներն ընդունել են Թունիսի Հանրապետության հետ ազատ առևտրի մասին համաձայնագրի կնքման վերաբերյալ բանակցությունների պաշտոնական մեկնարկի առաջարկը: Համապատասխան որոշումն ընդունվել է մայիսի 29-ին Աստանայում կայացած Եվրասիական տնտեսական բարձրագույն խորհրդի նիստի արդյունքում:
Ըստ փորձագիտական գնահատականների՝ կողմերի միջև գործարար գործընկերության ընթացիկ մակարդակն ունի բարձր չիրականացված ներուժ: Առևտրի ազատականացմանը և վարչական խոչընդոտների նվազեցմանն անցումը լրացուցիչ խթան կհաղորդեն արտահանման-ներմուծման գործառնություններին:«ԵԱՏՄ-ն և Թունիսն ունեն ռեսուրս թե՛ ազգային արդյունաբերական արտադրությունների մրցունակության մակարդակի բարձրացման, թե՛ միմյանց շուկաներ մուտքի պայմանների բարելավման միջոցով երկկողմ առևտրի խորացման համար», — նշել է Եվրասիական տնտեսական հանձնաժողովի առևտրի նախարար Անդրեյ Սլեպնյովը:
Հանձնաժողովն առանձնացրել է ԵԱՏՄ երկրների առանցքային ապրանքային խմբերը, որոնք ունեն թունիսյան շուկա մատակարարման աճի առավելագույն հնարավորությունները՝ պարենամթերք, մետաղագործություն, քիմիական արտադրություն, փայտարդյունաբերական համալիրը և սպառողական հատվածը:
Շուկաների հասանելիության օպտիմալ պայմանների ձևավորման բանակցային գործընթացը կառուցվելու է փոխադարձ շահի սկզբունքների վրա՝ նկատի ունենալով յուրաքանչյուր պետության տնտեսական զարգացման խնդիրները:
ԵԱՏՄ և նրա անդամ պետությունների՝ մի կողմից, և մյուս կողմից՝ Թունիսի Հանրապետության միջև ազատ առևտրի համաձայնագրի կնքման նպատակահարմարության հարցի ուսումնասիրության համատեղ հետազոտական խումբը ձևավորվել է Եվրասիական տնտեսական հանձնաժողովի խորհրդի 2025 թվականի հունվարի 22-ի N 5 կարգադրության հիման վրա։
