Հանդիպման ընթացքում կողմերը քննարկել են մաքսային համագործակցության արդիական հարցեր և ինտեգրացիոն նախագծերի իրականացման հետագա քայլեր, այն է՝ մաքսային տեղեկատվության փոխանակման կազմակերպումը և ԵԱՏՄ մաքսային տարանցման միասնական համակարգի մասին համաձայնագրին Ուզբեկստանի Հանրապետության միանալը:
Առանձին անդրադարձել են ԵԱՏՄ-ում փոխադրումների հետագծման համար նավիգացիոն կապարակնիքների կիրառման մասին համաձայնագրի գործնական կիրառմանը, ինչպես նաև բարեխիղճ բիզնեսի համար դրանց կիրառման արդյունքներին:
ԵՏՀ նախարարը Ուզբեկստանի Հանրապետության ներկայացուցիչներին հրավիրել է մասնակցելու մայիսի 28-ից 29-ը Աստանայում կայանալիք Եվրասիական տնտեսական համաժողովին: ԵՏՀ-2026-ի ընթացքում մաքսային բլոկը պանելային նստաշրջան կգումարի, որի թեմաները կդառնան մաքսային գործընթացների թվայնացումը և մաքսային մարմինների գործունեություն արհեստական բանականության տարրերի ներդրման հեռանկարները:
Կողմերը կարևորել են Եվրասիական տնտեսական միության երկրների և Ուզբեկստանի միջև երկխոսության զարգացումը, ինչպես նաև ինտեգրացիոն գործընթացների խորացման խնդիրների իրականացման համար համակարգային շփումների պահպանումը:
ԵԱՏՄ-ում նավիգացիոն կապարակնիքների կիրառման մասին համաձայնագիրը ուժի մեջ է մտել ընթացիկ տարվա փետրվարի 11-ից։ Այս ժամանակահատվածում ԵԱՏՄ տարածքով իրականացվել է էլեկտրոնային նավիգացիոն կապարակնիքների կիրառմամբ ապրանքների ավելի քան 30 հազար փոխադրում:
