Հուշագիրը մշակվել է՝ հաշվի առնելով Եվրասիական տնտեսական միության զարգացման հեռանկարային ուղղությունները, և արտացոլում է կողմերի համագործակցության պայմանագրաիրավական բազայի արդիականացման անհրաժեշտությունը:
Փաստաթղթի նպատակն է թարմացնել համատեղ աշխատանքի գործող մեխանիզմները և լրացնել տնտեսական և տեխնոլոգիական իրողություններին համապատասխանող փոխգործակցության նոր ուղղություններով:
Մասնավորապես, նախատեսվում է զարգացնել արդյունաբերության և ագրոարդյունաբերական համալիրի ոլորտի համատեղ կոոպերացիոն նախագծերի իրականացմանն աջակցելու գործիքները, ինչպես նաև կատարելագործել ԵԱՏՄ երկրների համատեղ արտադրված արտադրանքի արտահանմանը ֆինանսական աջակցության տրամադրման մեխանիզմները: Նոր Հուշագիրը նաև պայմաններ է ստեղծում տեղեկատվական տեխնոլոգիաների և արհեստական բանականության կիրառման ընդլայնման ոլորտում կողմերի փոխգործակցության զարգացման համար:
«Տվյալ Հուշագրի ստորագրումը կարևոր քայլ է ԵՏՀ և ԵԱԶԲ միջև գործընկերության ամրապնդման գործում: Փաստաթուղթը ամուր ուղենիշ կդառնա ինտեգրացիոն նախագծերի առաջմղման մեր հետագա համատեղ աշխատանքի համար, որոնք տնտեսական ներուժ ունեն և համապատասխան ներդրումային ապահովում են պահանջում», - ամփոփել է ԵՏՀ կոլեգիայի նախագահ Բակիտժան Սագինտաևը:
ԵՏՀ և ԵԱԶԲ միջև փոխըմբռնման նախորդ հուշագիրը ստորագրվել է 2013 թվականին։
ԵԱԶԲ մասնակից պետություններն են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը, Ուզբեկստանը։
