Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկ Կոժոշևը Միջպետական ավիացիոն կոմիտեի (ՄԱԿ) հարթակում հանդիպել է ՄԱԿ նախագահ Օլեգ Ստրոչևի հետ։
Արզիբեկ Կոժոշևը նշել է քաղաքացիական ավիացիայի ոլորտ Եվրասիական տնտեսական միության երկրների փոխգործակցության առանցքային ուղղությունները, այդ թվում՝ անօդաչու ավիացիոն համակարգերի հարցեր։ Մասնավորապես, խոսքը «Քաղաքացիական ավիացիայում անօդաչու ավիացիոն համակարգերի կիրառման ոլորտում Եվրասիական տնտեսական միության անդամ պետությունների համագործակցության զարգացման մասին» ԵՏՀ կոլեգիայի հանձնարարականի նախագծի մասին էր։
Մանրամասն քննարկվել է Թռիչքների անվտանգության, ավիացիոն դեպքերի և պատահարների քննության ոլորտի տվյալների փոխանակման համար ընդհանուր տեղեկատվական տարածքի ստեղծման վերաբերյալ ՄԱԿ հայեցակարգը։ Արզիբեկ Կոժոշևը նշել է, որ այս ուղղությունը սերտորեն կապված է ավիացիոն իրադարձությունների տվյալների ինտեգրված տեղեկատվական շտեմարանի ձևավորմանն ուղղված Հանձնաժողովի աշխատանքի հետ։«ԵԱՏՄ պետություններում անօդաչու ավիացիոն համակարգերի ոլորտի զարգացմանն աջակցելու նպատակով նախատեսվում է կատարելագործել օրենսդրությունը, զարգացնեմ միջազգային համագործակցությունը և փորձ փոխանակել, այդ թվում՝ հատուկ աշխատանքային խմբի շրջանակներում», — նշել է ԵՏՀ նախարարը։
Պայմանավորվածություն է ձեռք բերվել, որ ԵՏՀ ներկայացուցիչները կմասնակցեն Հեռակառավարվող ավիացիոն համակարգերը համակարգող հանձնաժողովի աշխատանքային խմբերի նիստերին, որը զբաղվում է օդային տարածքում դրանց ինտեգրման, հավաստագրման, անձնակազմի նախապատրաստման և ենթակառուցվածքի զարգացման հարցերով։
Հանդիպման արդյունքում կողմերը ստորագրել են ԵՏՀ ւ ՄԱԿ միջև փոխըմբռնման հուշագրի իրականացման 2027-2029 թվականների պլանը։
ԵՏՀ-ի և ՄԱԿ միջև փոխգործակցության հուշագիրը ստորագրվել է 2013 թվականին։ Կողմերը համատեղ Իրականացման պլաններ են մշակում և ընդունում յուրաքանչյուր եռամյա ժամանակահատվածի համար։
