Նորություններ
ԵՏՀ-ն ԵԱՏՄ-ի անդրսահմանային շուկաներում Ռուսաստանից և Ղազախստանից պայթուցիկ նյութեր արտադրողների գործողություններում մրցակցության խախտումներ չի հայտնաբերել
Հետաքննության համար հիմք է ծառայել Ղազախստանի Հանրապետության ազգային տնտեսության նախարարության դիմումը Հանձնաժողովին` կապված պայթուցիկ նյութերի և նախաձեռնության միջոցների (դետոնատորների) մի շարք ռուսաստանյան և ղազախստանյան արտադրողների կողմից Ղազախստանի տնտեսավարող սուբյեկտին ապրանքներ մատակարարելուց հրաժարվելու հետ: Նյութերում առկա էին տեղեկություններ, որոնք մատնանշում էին առանձին արտադրողների գործողություններում հակամրցակցային համաձայնության հնարավոր նշանները, որի էությունը, ըստ դիմումատուի, ղազախստանյան ընկերությանը մատակարարում կատարելուց հրաժարվելն էր:
Քննության ընթացքում պարզվել է, որ պայթուցիկ նյութեր արտադրողները նախապես են կնքում արտադրանքի արտադրության պայմանագիրը՝ անցնելով արդյունաբերության ոլորտի ազգային լիազոր մարմնի հետ համաձայնեցման ընթացակարգ։ Միաժամանակ, ԵԱՏՄ երկրներում պայթուցիկ նյութերի և նախաձեռնության միջոցների քաղաքացիական շրջանառությունը լիցենզավորված գործունեության տեսակներից է, արտահանման ծավալների ավելացման թույլտվություն ստանալու ընթացակարգը բավականին բարդ է։ Հետևաբար, առևտրային առաջարկի զուտ հարցման առկայությունը՝ առանց ապրանքի գնման երաշխավորված ծավալը նշելու, բավարար չէ մատակարարման նոր պայմանագիր կնքելու համար:
Միաժամանակ, քննությամբ պարզվել են դիմումատուի կողմից անբարեխիղճ գործողությունների որոշակի փաստեր, այդ թվում՝ պայմանագրային պարտավորությունների խախտում, վճարումները ժամանակին չկատարելը։ Ուստի հակամենաշնորհային քննության մարմինը քննարկվող դեպքում պայթուցիկ նյութեր արտադրողների կողմից ապրանքի մատակարարումների մերժումը համարել է քաղաքացիական իրավական վեճի առարկա:
Գործի քննության ընթացքում ուսումնասիրված բոլոր գործոնների ամբողջությունը ԵՏՀ Կոլեգիային թույլ տվեց եզրակացնել, որ ԵԱՏՄ պայթուցիկ նյութեր արտադրողների միջև առկա չէ հակամրցակցային համաձայնություն։
Միևնույն ժամանակ, հավասար մրցակցային պայմաններ ստեղծելու նպատակով ԵՏՀ Կոլեգիան Հակամենաշնորհային կարգավորման վարչությանը հանձնարարել է տեղեկացնել արդյունաբերության ոլորտում ԵԱՏՄ երկրների լիազոր մարմիններին և պայթուցիկ նյութեր արտադրողներին՝ դիտարկելու կոնտրագենտների ընտրության և իրացվող ապրանքների գնի որոշման կանոնների մշակման հնարավորությունը, որոնք կբացառեն խտրական մոտեցմում սահմանելու հնարավորությունը։
Մրցակցության և հակամենաշնորհային կարգավորման նախարար Բախիթ Սուլթանովի խոսքով՝ նման կանոնների ընդունումը թույլ կտա ապահովել պայթուցիկ նյութերի և նախաձեռնության միջոցների մատակարարների գործունեության թափանցիկությունն ու բացությունը։
«Քննության ընթացքում հանդիպումներ են տեղի ունեցել հակամենաշնորհային բլոկի ներկայացուցիչների և ԵԱՏՄ մատակարարների միջև։ Կցանկանայի նշել, որ տնտեսավարող սուբյեկտները հավանություն են տվել կանոնների մշակման գաղափարին և դրանց կատարման պատրաստակամություն հայտնել», - նշել է նախարարը։
