Եվրասիական տնտեսական հանձնաժողովի կոլեգիան մինչև 2028 թվականի դեկտեմբերի 31-ը ներառյալ ներմուծման մաքսատուրքերի զրոյական դրույքաչափեր է սահմանել թանկարժեք մետաղների թափոնների և ջարդոնի նկատմամբ (ԵԱՏՄ ԱՏԳ ԱԱ 7112 30 000 0, 7112 91 000 0, 7112 92 000 0 և 7112 99 000 0 ծածկագրեր):

«Նախորդ ժամանակահատվածում մաքսասակագնային կարգավորման համանման միջոցի կիրառման արդյունավետությունը հաստատվում է Եվրասիական տնտեսական միության աֆինաժային ձեռնարկությունների արտադրական հզորությունների բեռնման մակարդակի պահպանմամբ, ինչպես նաև թանկարժեք մետաղների թափոնների և ջարդոնի սպառման ծավալների բարձրացմամբ», - նշել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը: 

Նա հստակեցրել է, ոչ թանկարժեք մետաղներն իրենց ֆիզիկաքիմիական հատկությունների շնորհիվ կիրառում են գտնում տարբեր ոլորտներում, իսկ առաջնային հումքի աղբյուրները սահմանափակ են:

Թանկարժեք մետաղների թափոնների և ջարդոնի նկատմամբ ԵԱՏՄ ՄՄՍ ներմուծման մաքսատուրքերի գործող դրույքաչափերը կազմում են մաքսային արժեքի 15%:

Որոշումն ուժի մեջ կմտնի պաշտոնական հրապարակման օրվանից 30 օրացուցային օրը լրանալուց հետո: