Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7196

05 մարտի 2021 ԵՏՀ Խորհրդի արդյունքները Եվրասիական տնտեսական հանձնաժողովի Խորհուրդը մարտի 5-ին կայացած նիստին որոշում է ընդունել երկու տարի ժամկետով ներմուծման մաքսատուրքի 0% դրույքաչափ սահմանել մետաղագործության համար գրաֆիտացված էլեկտրոդների առանձին տեսակների հանդեպ, երկու տարի ժամկետով 6,5-ից մինչև 0% իջեցնել ներմուծման մաքսատուրքի դրույքաչափը հազվագյուտ հողերի մետաղների արտադրության և դեղագործության մեջ օգտագործվող թրթնջկաթթվի հանդեպ, ինչպես նաև երեք տարով երկարաձգել ներմուծման մաքսատուրքի զրոյական դրույքաչափը մանկական տակդիրների արտադրության համար սուպերաբսորբենտների հանդեպ։

05 մարտի 2021 ԵՏՀ-ն երկու տարի ժամկետով զրոյացրել է ներմուծման տուրքերի դրույքաչափերը մետաղագործության համար գրաֆիտացված էլեկտրոդների հանդեպ Եվրասիական տնտեսական հանձնաժողովի Խորհուրդը մարտի 5-ին կայացած նիստին որոշում է ընդունել երկու տարի ժամկետով ներմուծման մաքսատուրքի 0% դրույքաչափ սահմանել մետաղագործության համար գրաֆիտացված էլեկտրոդների առանձին տեսակների հանդեպ։

05 մարտի 2021 ԵՏՀ-ն հանդես է գալիս հօգուտ Միության երկրների ցեմենտ արտադրող ձեռնարկությունների կողմից վառելիքի այլընտրանքային տեսակների օգտագործման ակտիվացմանը Այդ նախաձեռնությունը քննարկվել է Եվրասիական տնտեսական հանձնաժողովի արդյունաբերական բլոկի հարթակում Հայաստանի, Բելառուսի, Ղազախստանի, Ղրղզստանի և Ռուսաստանի շահագրգռված պետական մարմինների, ինչպես նաև Եվրասիական տնտեսական միության ցեմենտ արտադրող խոշոր ձեռնարկությունների մասնակցությամբ կայացած «Միության ցեմենտ արտադրող ձեռնարկությունների կողմից վառելիքի այլընտրանքային տեսակների օգտագործման հնարավորության գնահատում» առցանց կոնֆերանսի շրջանակներում։

05 մարտի 2021 ԵՏՀ-ն մինչև 2023 թվականը երկարաձգել է մանկական տակդիրների արտադրության համար սուպերաբսորբենտների հանդեպ ներմուծման մաքսատուրքի զրոյական դրույքաչափի կիրառման ժամկետը Եվրասիական տնտեսական հանձնաժողովի Խորհուրդը որոշում է ընդունել երեք տարի ժամկետով երկարաձգել մանկական տակդիրների արտադրության համար սուպերաբսորբենտների հանդեպ ներմուծման մաքսատուրքի զրոյական դրույքաչափի կիրառման ժամկետը։ Ներկայումս սուպերաբսորբենտները Եվրասիական տնտեսական միության տարածքում չեն թողարկվում։ Միևնույն ժամանակ 2023 թվականին պլանավորվում է ավարտել դրանց արտադրման գործարանի շինարարությունը։

05 մարտի 2021 Հազվագյուտ հողերի մետաղների արտադրության և դեղագործության մեջ օգտագործվող թրթնջկաթթուն ԵԱՏՄ է ներմուծվելու տուրքի զրոյական դրույքաչափով Եվրասիական տնտեսական հանձնաժողովի Խորհուրդը մարտի 5-ին կայացած նիստին որոշում է ընդունել երկու տարի ժամկետով 6,5-ից մինչև 0% իջեցնել ներմուծման մաքսատուրքի դրույքաչափը թրթնջկաթթվի հանդեպ։ Այդ օրգանական միավորման կիրառման հիմնական ոլորտն է հանդիսանում հազվագյուտ հողերի մետաղների ստացման ժամանակ որպես նստեցուցիչ և դեղագործության մեջ՝ հակաբիոտիկների արտադրման ժամանակ որպես ռեագենտ օգտագործումը։ Դրա սպառողն է հանդիսանում նաև քիմիական, թեթև արդյունաբերությունը և այլ ճյուղերը։

05 մարտի 2021 Ռուսլան Բեկետաևը նշանակվել է ԵՏՀ տնտեսության և ֆինանսական քաղաքականության հարցերով նախարար Եվրասիական տնտեսական Բարձրագույն խորհրդի որոշմամբ մարտի 5-ից Ղազախստանի Հանրապետության կողմից Եվրասիական տնտեսական հանձնաժողովի Կոլեգիայի նոր անդամ (նախարար) է նշանակվել Ռուսլան Բեկետաևը։ Նրա իրավասությանը պատկանելու են Եվրասիական տնտեսական միությունում ձեռնարկատիրական գործունեության զարգացման, ֆինանսական քաղաքականության, աշխատանքային միգրացիայի և սոցիալական պաշտպանության հարցերը:

04 մարտի 2021 ԵՏՀ-ն տեղեկացրել է Բելառուսին մանրածախ առևտրի ոլորտում Միության ներքին շուկայի գործունեության հետ կապված պարտավորությունների կատարման անհրաժեշտության մասին Եվրասիական տնտեսական հանձնաժողովի Կոլեգիայի նիստի արդյունքներով որոշում է կայացվել ծանուցել Բելառուսի Հանրապետությանը Եվրասիական տնտեսական միության իրավունքի կատարման անհրաժեշտության մասին։

03 մարտի 2021 ԵԱՏՄ-ում յուղաճարպային ոլորտում նորամուծություններ են զարգացնում Եվրասիական տնտեսական հանձնաժողովի ներկայացուցիչները՝ ԵՏՀ Ագրոարդյունաբերության վարչության տնօրեն Արմեն Հարությունյանի գլխավորությամբ, Բելգորոդի մարզում ծանոթացել է գիտահետազոտական և նորարարական նախագծերին, որոնք իրականացնում է «ԷՖԿՕ» ընկերությունների խումբը՝ Ռուսաստանում սննդամթերքի խոշորագույն արտադրողներից մեկը: Այդ նպատակով ԵՏՀ-ի պատվիրակությունն այցելել է «ԷՖԿՕ» ԲԸ Ալեքսեևսկի մասնաճյուղը, Կիրառական հետազոտությունների կենտրոնը, Նորարարության կենտրոնը և «Բիրյուչ» գիտակրթական կենտրոնը: Հատուկ ուշադրություն է գրավել ԷՖԿՕ տեխնոլոգների նոր մշակումը՝ մսի բուսական հիմքով այլընտրանքները, որոնք արդեն իրացվում են շուկայում «Hi!» («առողջ նորարարություններ») ապրանքանիշի ներքո: Այդ տեխնոլոգիայի ներդրումն ու մասսայականացումը դրական ազդեցություն կունենա մարդու առողջության և շրջակա միջավայրի վրա` հաշվի առնելով համաշխարհային նոր մոտեցումները բնապահպանական գյուղատնտեսություն վարելուն:

Ցուցադրել ավելին