Տեղեկանք

Հանձնաժողովի Կոլեգիայի 2021 թվականի օգոստոսի 3-ի № 93 և № 94 որոշումներով սահմանվել են էքսպրես բեռների ապրանքների հայտարարագրի լրացման առանձնահատկությունները ԵԱՏՄ երկրներում արտաքին էլեկտրոնային առևտրի ոլորտի փորձնական նախագծի (փորձի) անցկացումն ապահովելու համար։

Հանձնաժողովի Կոլեգիայի հունիսի 13-ի № 79 որոշմամբ հաստատվել է այնպիսի ապրանքների համար էքսպրես բեռների ապրանքների հայտարարագրի ճշգրտման լրացման կարգը (առանձնահատկությունները), որոնց հայտարարագրումն իրականացվում է Միության երկրներում արտաքին էլեկտրոնային առևտրի ոլորտի փորձնական նախագծի կատարման շրջանակներում:

Եվրասիական միջկառավարական խորհրդի 2021 թվականի նոյեմբերի 19-ի № 10 որոշմամբ հաստատվել է ԵԱՏՄ շրջանակներում էլեկտրոնային առևտրի զարգացման համար բարենպաստ պայմաններ ստեղծելու միջոցառումների պլանը (ճանապարհային քարտեզը): Ճանապարհային քարտեզի 2-րդ կետին համապատասխան՝ ԵՏՀ-ն ԵԱՏՄ պետությունների հետ համատեղ 2023 թվականին, ի թիվս այլոց, պետք է նախապատրաստի Հանձնաժողովի ակտ, որը սահմանում է էլեկտրոնային առևտրի ապրանքների հայտարարագրի ձևը և լրացման կարգը։ Համապատասխան իրավասությունը նախատեսվում է ԵԱՏՄ մաքսային օրենսգրքում փոփոխություններ կատարելու մասին արձանագրության նախագծով՝ արտաքին էլեկտրոնային առևտրի կարգավորման մասով։