ԵՏՀ բնական մենաշնորհների հարցերով խորհրդատվական կոմիտեն նոյեմբերի 27-ի նիստում քննարկել է Եվրասիական տնտեսական միության մասին պայմանագրով սահմանված սկզբունքների պահպանման գնահատման մշտադիտարկման միջանկյալ արդյունքները: Միջոցառումն անցկացվել է ԵՏՀ էներգետիկայի և ենթակառուցվածքի նախարար Արզիբեկ Կոժոշևի նախագահությամբ։

 

Քանակական և որակական ցուցանիշների օգտագործմամբ մշտադիտարկման արդյունքները կներկայացվեն 2026 թվականին բնական մենաշնորհների կարգավորման ոլորտների օրենսդրության հետագա ներդաշնակեցման առաջարկների և հանձնարարականների մշակման, ինչպես նաև ԵԱՏՄ անդամ պետությունների նորմատիվ իրավական ակտերի հնարավոր արդիականացման համար:

Նիստի մասնակիցները նաև համաձայնեցրել են բնական մենաշնորհների մասին զեկույցի (տեղեկատվության) կառուցվածքը, որը կներկայացվի Եվրասիական տնտեսական բարձրագույն խորհրդին 2026 թվականի առաջին կիսամյակում: