Եվրասիական տնտեսական հանձնաժողովի Կոլեգիան ընդունել է կարգադրություն Համաշխարհային մաքսային կազմակերպության (ՀՄԿ) հետ փոխգործակցության հարցերով աշխատանքային խմբի ստեղծման մասին։

Աշխատանքային խմբի հիմնական խնդիրներն են՝ ՀՄԿ-ի հիմնարար իրավական գործիքներին և միջոցներին ԵԱՏՄ-ի միացման հնարավորության իրագործման հետ կապված համալիր միջոցների մշակումը, այդ կազմակերպությունում Միության և նրա անդամ պետությունների շահերի առաջխաղացումը և Միության կողմից ՀՄԿ-ի անդամի կարգավիճակի ձեռքբերումը։

Համաշխարհային մաքսային կազմակերպության աշխատանքին Հանձնաժողովի լիարժեք մասնակցությունը թույլ կտա մասնակցել մաքսային կարգավորման ոլորտում միջազգային ստանդարտների մշակմանը և կատարել միութենական իրավունքին՝ դրանց համապատասխանության վերլուծությունը։