Եվրասիական տնտեսական հանձնաժողովի Կոլեգիան 3 տարի ժամկետով 0% չափով ներմուծման մաքսատուրք է սահմանել արդյունաբերական ճարպային սպիրտների նկատմամբ։ Ներկայումս դրույքաչափը կազմում է 5%:

Այդ ապրանքները սկզբնական հումք են հանդիսանում հեղուկ լվացող և մաքրող միջոցների, կոսմետիկայի արտադրության ժամանակ մակերևութաակտիվ նյութերի ստացման համար, մետաղագործության, մանածագործական, կաշվի, լաքաներկային, թղթի, սննդի արդյունաբերության մեջ, արդյունաբերության բժշկական ճյուղում և գյուղատնտեսությունում։

Ներկայումս Եվրասիական տնտեսական միությունում արդյունաբերական ճարպային սպիրտներ չեն արտադրվում, ուստի առկա պահանջարկը բավարարվում է ներմուծման մատակարարումների շնորհիվ։

«Ընդունված մաքսասակագնային կարգավորման միջոցը կօգնի աջակցել Միության երկրներում մակերևութաակտիվ նյութեր արտադրողներին, նվազեցնել այդ նյութերի ինքնարժեքը, ինչպես նաև բարձրացնել դրանց մրցունակությունը ԵԱՏՄ ներքին շուկայում»,– նշել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը

Որոշումն ուժի մեջ կմտնի պաշտոնական հրապարակման օրվանից 30 օրացուցային օրը լրանալուց հետո։