Նորություններ

Եվրասիական տնտեսական միության Մաքսային օրենսգրքի փոփոխություններըа, որոնք անհրաժեշտ են ԵԱՏՄ-ում փոխադրումների, միջազգային փոխադրումների տրանսպորտային միջոցների՝ դրանց վրա գտնվող պաշարներով տեղաշարժի հետագծման համար նավիգացիոն կապարակնիքների կիրառման մասին համաձայնագրի իրականացման համար համաձայնեցրել են Եվրասիական տնտեսական հանձնաժողովի մաքսային բլոկի և Միության երկրների փորձագիտական ​​խմբի անդամները:

Ընդհանուր առմամբ, խմբի նիստում, որը մի քանի օր է տևել, քննարկվել են ԵԱՏՄ ՄՕ-ում առաջնահերթ խնդիրների շուրջ 100 փոփոխություն որոնք առաջարկվել են միութենական պետությունների և Հանձնաժողովի կողմից։ Աշխատանքն իրականացվում է ԵԱՏՄ ՄՕ-ում փոփոխություններ կատարելու մասին արձանագրության առաջին նախագծի նախապատրաստման շրջանակներում։

Ուշադրության կենտրոնում են եղել նաև մաքսային տարանցման մաքսային ընթացակարգի բարելավման, ազատ մաքսային գոտու և ազատ պահեստի մաքսային ընթացակարգերի կիրառման, անմաքս առևտրի, մաքսային պահեստի և վերաարտահանման թեմաները։

Նշենք, որ վերջին երկու տարվա ընթացքում պրոֆիլային փորձագիտական ​​խմբի նիստն առաջին անգամ է անցկացվել առկա ռեժիմում: Դրա մասնակիցների կարծիքով՝ այս ձևաչափը թույլ է տալիս ավելի արդյունավետ աշխատանք կատարել Մաքսային օրենսգրքի բարելավման ուղղությամբ։

Ընդհանուր առմամբ, 2022 թվականին նախատեսվում է քննարկել և ընդունել ավելի քան 200 առաջնահերթ ուղղումներ, որոնք կներառվեն ԵԱՏՄ ՄՕ-ում փոփոխություններ կատարելու մասին արձանագրության առաջին նախագծում։ ԵԱՏՄ երկրների և Հանձնաժողովի կողմից առաջարկված փոփոխություններն ուղղված են բիզնեսի ծախսերի կրճատմանը, բացասական իրավակիրառ և դատական ​​պրակտիկայի վերացմանը՝ ԵԱՏՄ ՄՕ-ի նորմերի հստակեցմամբ և չկարգավորված հարցերը վերացնելու միջոցով։