Մաքսային կարգավորման հարցերով խորհրդատվական կոմիտեին կից պրոֆիլային աշխատանքային խմբի հերթական նիստում քննարկել են Եվրասիական տնտեսական միության պետությունների՝ ապրանքների մաքսային հայտարարագրման կանոնների կատարելագործմանը և միասնականացմանն ուղղված հինգ նախաձեռնային առա5արկ։ Նիստին մասնակցել են ԵԱՏՄ երկրների պետական մարմինների և գործարար համայնքների ներկայացուցիչներ:
Քննարկվել են Ապրանքների հայտարարագրի լրացման կարգի և Տրանսպորտային (փոխադրման), առևտրային և այլ փաստաթղթեր որպես ապրանքների հայտարարագիր օգտագործելու կարգի մասին հրահանգի համար կողմերի առաջարկած փոփոխությունները։
Մասնավորապես, քննարկվել են հագուստի և կոշիկի առանձին կատեգորիաների, ինչպես նաև նույնականացման միջոցներով մակնշման ենթակա ապրանքների վերաբերյալ լրացուցիչ տեղեկություններ նշելու մասին առաջարկները։
Ապրանքների հայտարարագրի լրացման կարգը հաստատվել է Մաքսային միության հանձնաժողովի 2010 թվականի մայիսի 20-ի N 257 որոշմամբ։
Տրանսպորտային (փոխադրման), առևտրային և (կամ) այլ փաստաթղթերը որպես ապրանքային հայտարարագիր օգտագործելու կարգի հրահանգը հաստատվել է Մաքսային միության հանձնաժողովի 2010 թվականի մայիսի 20-ի N 263 որոշմամբ:
Մաքսային հայտարարագրման հարցերով աշխատանքային խումբը ստեղծվել է Մաքսային կարգավորման հարցերով խորհրդատվական կոմիտեի որոշմամբ։ Խմբի գործունեության ոլորտը ներառում է ապրանքների հայտարարագրման հարցեր, այդ թվում՝ կապված ապրանքների հայտարարագրի լրացման ձևի և կարգի հետ:
