Մայիսի 29-ին Աստանայում կայացել է Եվրասիական տնտեսական բարձրագույն խորհրդի նիստը:
Նիստին մասնակցել են Եվրասիական տնտեսական միության երկրների ղեկավարները՝ Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ժապարովը, Ռուսաստանի Դաշնության նախագահ Վլադիմիր Պուտինը, Հայաստանի Հանրապետության փոխվարչապետ Մհեր Գրիգորյանը և Եվրասիական տնտեսական հանձնաժողովի նախագահ Բակիտժան Սագինտաևը:
ԵԱՏՄ-ին կից դիտորդ պետությունների կողմից՝ Ուզբեկստանի Հանրապետության նախագահ Շավկաթ Միրզիյոևը, Կուբայի Հանրապետության փոխնախագահ Սալվադոր Վալդես Մեսան, Իրանի Իսլամական Հանրապետության արդյունաբերության, հանքերի և առևտրի նախարար Սեյեդ Մոհամադ Աթաբաթը:
Քննարկվել է 2025 թվականին ԵԱՏՄ միջազգային գործունեության հիմնական ուղղությունների իրականացումը:
Ամփոփվել են բնական մենաշնորհների կարգավորման ոլորտի 2025 թվականի արդյունքները:
Հաստատվել է ԵԱՏՄ-ում ծառայությունների ազատականացման պլանների իրականացման մասին զեկույցը:
ԵՏԲԽ-ն հավանություն է տվել ԵՏՀ զեկույցին և սերմնաբուցության միասնականացման հետագա ուղղությունները:
Կարգավորվել է Ղազախստանում ընդերքօգտագործման պայմանագրերով ապրանքներ ներմուծելիս վճարված ներմուծման մաքսատուրքերի բաշխման հարցը:
