Նորություններ
ԵՏՀ Կոլեգիան ողջունել է Բելառուսում սոցիալապես կարևոր ապրանքների գների պետական կարգավորման ժամկետի երկարաձգման հնարավորությունը
Սոցիալապես կարևոր՝ կարգավորվող ապրանքների ցանկը որոշվել է Բելառուսի Հանրապետության Հակամենաշնորհային կարգավորման և առևտրի նախարարության 2021 թվականի դեկտեմբերի 21-ի «Սոցիալապես կարևոր ապրանքների գների կարգավորման մասին» N 79 որոշմամբ։ Դրանում ներառվել են, այդ թվում, հնդկաձավարը, մարգարինը, աղը, շաքարը, պահածոները, խնձորները, մսից կիսապատրաստվածքների առանձին տեսակները, կաթը, կարագը և այլ ապրանքներ։
ԵՏՀ Կոլեգիայի՝ Բելառուսի Հանրապետությունում գների պետական կարգավորման ժամկետի երկարաձգումը համաձայնեցնելու մասին որոշումն ուղղված է ներքին շուկայում իրավիճակի կայունացմանը և սոցիալապես կարևոր ապրանքների նկատմամբ գնային սպեկուլյացիաներ թույլ չտալուն։
Ավելի վաղ Հանձնաժողովի հակամենաշնորհային կարգավորման վարչությունը ԵԱՏՄ երկրների լիազորված մարմինների մասնակցությամբ խորհրդատվություն է անցկացրել, որոնք համաձայնել են բելառուսական կողմի առաջարկի հետ:
