Եվրասիական տնտեսական հանձնաժողովի պատվիրակությունը՝ ԵՏՀ մրցակցության և հակամենաշնորհային կարգավորման նախարար Մաքսիմ Երմոլովիչի գլխավորությամբ, հուլիսի 8-ից 10-ը Ժնևում մասնակցել է ՅՈՒՆԿՏԱԴ մրցակցային քաղաքականության և իրավունքի փորձագետների միջկառավարական խմբի 23-րդ նստաշրջանին։

Ելույթ ունենալով բացման արարողությանը՝ Մաքսիմ Երմոլովիչը նշել է Հանձնաժողովի և ՅՈՒՆԿՏԱԴ արդյունավետ համագործակցությունը, ինչպես նաև առաջարկել մրցակցության հարցերով փոխգործակցության հետագա ուղղություններ։

Հանձնաժողովի նախաձեռնությամբ հրավիրված «Մրցակցությունը և տարածաշրջանային տնտեսական կազմակերպությունները» նստաշրջանում ներկայացվել են տարածաշրջանային ինտեգրացիոն միավորումներում մրցակցության կարգավորման ուսումնասիրության արդյունքները։

Փաստաթղթում վերլուծվում են 19 տարածաշրջանային ինտեգրացիոն կառույցներում մրցակցության ռեժիմները, ինչպես նաև ներկայացվում են մրցակցության տարածաշրջանային կարգավորման տարբեր մոդելների մասին եզրահանգումները։

Նստաշրջանը դարձել է տարածաշրջանային ինտեգրացիոն կազմակերպությունների, մրցակցային գերատեսչությունների և միջազգային փորձագիտական համայնքի ներկայացուցիչների միջև փորձի փոխանակման հարթակ։

«Տարածաշրջանային ինտեգրացիոն միավորումներում մրցակցության զարգացումը պահանջում է շարունակական երկխոսություն և գործնական փորձի փոխանակում։ ԵՏՀ համար արժեքավոր է այն կազմակերպությունների հետ փոխգործակցությունը, որոնք, ինչպես Հանձնաժողովը, մրցակցության ոլորտում վերազգային լիազորություններ ունեն։ ՅՈՒՆԿՏԱԴ-ի պես հարթակները թույլ են տալիս քննարկել ոչ միայն ընդհանուր մոտեցումներ, այլև մրցակցային կարգավորման կոնկրետ գործիքներ, որոնք օգնում են բիզնեսի համար թափանցիկ և արդար պայմաններ ստեղծել անդրսահմանային շուկաներում», — նշել է Մաքսիմ Երմոլովիչը։