Եվրասիական տնտեսական հանձնաժողովի անդամ պետությունների էներգետիկայի ոլորտի լիազոր մարմինների ղեկավարների խորհրդի նիստում, որը կայացել է Համաժողով-2026-ի շրջանակներում, պրոֆիլային նախարարությունները՝ Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկ Կոժոշևի նախագահությամբ, քննարկել են ԵԱՏՄ ընդհանուր էլեկտրաէներգետիկ շուկայի և գազի ընդհանուր շուկայի ձևավորման հեռանկարները:
Էներգետիկայի նախարարները նշել են, որ անդամ պետությունների միջև գազի ոլորտում ձևավորված հարաբերությունների փուլային զարգացումն անդամ պետությունների տնտեսությունների կայուն զարգացման համար պայմանների ստեղծման արդյունավետ և կարևոր միջոց է:
Կողմերը մտադիր են շարունակել ԵԱՏՄ նորմատիվ իրավական բազայում Միության գազի ընդհանուր շուկայի գործունեության ռազմավարական մոտեցումների սահմանման աշխատանքը:Արզիբեկ Կոժոշևն ընդգծել է. «2025 թվականի հունվարի 1-ից գործարկվել է ԵԱՏՄ գազի ընդհանուր շուկան: Ընթացիկ տարվա ընթացքում նախատեսվում է անդամ պետությունների ղեկավարների մակարդակով հաստատել Մինչև 2030 թվականը Միության գազի ընդհանուր շուկայի զարգացման պլանը, որն ուղղված է գազի օգտագործման ընդլայնմանը՝ հաշվի առնելով անդամ պետությունների ներքին շուկաների կարիքներն ու առանձնահատկությունները, ինչպես նաև գիտատեխնիկական ներուժի զարգացումը, ներառյալ արհեստական բանականությունը»:
Եվրասիական «հնգյակի» երկրների էներգետիկ գերատեսչությունների ղեկավարները նաև քննարկել են Միության ընդհանուր էլեկտրաէներգետիկ շուկայի գործարկման նախապատրաստման հարցը: Ղեկավարների խորհուրդը հանձնարարել է փորձագետների մակարդակով ուսումնասիրել անցումային շրջանում էլեկտրաէներգիայի մատակարարումների պլանավորման հարցը:
Ղեկավարների խորհրդի հերթական նիստը որոշվել է անցկացնել այս տարվա սեպտեմբերին Ռուսաստանի Դաշնության էներգետիկայի նախարարության հարթակում:
