Եվրասիական տնտեսական հանձնաժողովի կոլեգիան որոշում է ընդունել Ապրանքների հայտարարագրի լրացման կարգում փոփոխություններ կատարելու մասին:
Այսօրվա դրությամբ լիազորված տնտեսական օպերատորները (ԼՏՕ) կարող են պահել ապրանքներն իրենց հարթակներում մաքսային պահեստի մաքսային ընթացակարգի շրջանակներում:
Համաձայն ընդունված փոփոխությունների՝ հայտարարագիրը լրացնելիս անհրաժեշտ է նշել ապրանքների գտնվելու վայրի մասին տեղեկությունները: Եթե ընկերությունը հատուկ պարզեցում է կիրառում, ապա այն լրացնում է ԼՏՕ-ի հարթակում մաքսային հսկողության գոտու ստեղծումը հաստատող փաստաթղթի մասին տեղեկությունները կամ այդ գոտու գրանցման համարը:
Հայտարարագրում այդ տեղեկությունների նշումը մաքսային մարմիններին թույլ կտա ստանալ անհրաժեշտ տեղեկատվությունը ինքնաբերաբար՝ առանց լրացուցիչ հարցումներ ուղարկելու: Արդյունքում օպտիմալացվում է մաքսային հսկողությունը և կրճատվում են բիզնեսի ծախսերը:
Լիազորված տնտեսական օպերատորի ինստիտուտը գործընկերային ծրագրի միջազգայնորեն ճանաչված ստանդարտ է, իսկ ԼՏՕ-ն՝ իրավաբանական անձանց հատուկ կատեգորիա, որոնց՝ որպես որոշակի պահանջներին համապատասխանող անձանց, մաքսային գործառնություններ և մաքսային հսկողություն իրականացնելիս տրամադրվում են պարզեցումներ։
Լիազորված տնտեսական օպերատորի համար լրացուցիչ հատուկ պարզեցումը հաստատվել է Հանձնաժողովի խորհրդի 2024 թվականի հոկտեմբերի 18-ի N 86 որոշմամբ:
