Եվրասիական տնտեսական հանձնաժողովի տեխնիկական կարգավորման նախարար Ալեքսանդր Սուբոտինը ապրիլի 27-ից 29-ը Մոսկվայում կայացած «Կարգավորիչ պրակտիկա և դեղամիջոցների գրանցում՝ ՌեգԼեկ-2026» խորհրդաժողովի շրջանակներում հանդես է եկել «Դեղամիջոցների որակի և հասանելիության ապահովման առանցքային հարցերը, որոնց լուծումն առավել արդիական է 2026 թվականին» թեմայով զեկույցով:
ԵՏՀ նախարարը նշել է, որ դեղամիջոցների ընդհանուր շուկան դուրս է եկել ինտեգրացիոն կայացման նոր մակարդակ, որի հիմքում Եվրասիական տնտեսական միության կատարելագործված իրավունքն է:
«Իրավակիրառ պրակտիկայի կուտակված փորձը թույլ է տալիս անցնել կարգավորման զարգացման հաջորդ փուլ, որն ուղղված է ԵԱՏՄ-ում գրանցման ընթացակարգերի արդյունավետության բարձրացմանը և դեղամիջոցների ընդհանուր շուկայի կայուն գործունեության ապահովմանը», — ընդգծել է Ալեքսանդր Սուբոտին:
ԵՏՀ նախարարը հատուկ անդրադարձել է ԵԱՏՄ նորմատիվ բազայի զարգացման գերակա ուղղություններին և պատմել կենսաբանական և նորարարական դեղորայքային պատրաստուկների կարգավորման կատարելագործման, ԵԱՏՄ դեղագրքի 1-ին հատորի 4-րդ մասի նախապատրաստման աշխատանքների և դեղամիջոցների որակին ներկայացվող պահանջների միասնականացման Հանձնաժողովի գործունեության մի շարք այլ ուղղությունների մասին:
Ալեքսանդր Սուբոտինը Եվրասիական տնտեսական հանձնաժողովի «Եվրասիական ինտեգրման զարգացման գործում ունեցած անձնական ավանդի համար» կրծքանշաններ և Հանձնաժողովի պատվոգրեր է հանձնել ԵԱՏՄ երկրների փորձագետներին, որոնք էական ավանդ են ունեցել Միության դեղերի շրջանառության կարգավորման ոլորտի իրավունքի ձևավորման գործում:
«ՌեգԼեկ» խորհրդաժողովը դեղագործության ոլորտի կարևոր ամենամյա միջոցառումներից է, որի ընթացքում ԵԱՏՄ երկրների դեղագործական շուկայի սուբյեկտները և կարգավորիչները քննարկում են դեղերի շրջանառության արդիական հարցեր:
