Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը Մոսկվայում մասնակցել է «Եվրասիական ինտեգրման չափումները՝ տրանսպորտը և լոգիստիկան, էներգետիկան և պարենային անվտանգությունը» թեմայով 2-րդ միջազգային գիտագործնական խորհրդաժողովի լիագումար նիստին:Ռուսլան Դավիդովն իր ելույթում խոսել է Եվրասիական տնտեսական միության երկրների արտաքին առևտրում, նոր աշխարհակաքաղաքական պայմաններում լոգիստիկայի փոփոխություններում մաքսատան դերի մասին: Նա ընդգծել է, որ մաքսային կարգավորումը Հյուսիս-Հարավ և Արևելք-Արևմուտք նոր միջազգային տրանսպորտալոգիստիկ միջանցքների կայացման և զարգացման առանցքային գործոններից է, Գլոբալ Հարավի երկրների հետ ԵԱՏՄ-ի ապրանքաշրջանառության ավելացման գործուն գործիք:
ԵՏՀ նախարարը նաև տեղեկացրել է մաքսային կարգավորման կատարելագործման, բիզնեսի և քաղաքացիների համար բարենպաստ պայմանների ստեղծման ուղղությամբ ԵՏՀ-ի կողմից կատարվող աշխատանքի մասին:
Ռուսլան Դավիդովը ազդարարել է ԵԱՏՄ-ում 2026 թվականի փետրվարի 11-ից փոխադրումների հետագծման համար էլեկտրոնային նավիգացիոն կապարակնիքների կիրառման մասին: Բեկումնային տեխնոլոգիաների կիրառումը եվրասիական ինտեգրման կարևոր իրադարձությունն է, այն Միությունը դուրս է բերում նոր տեխնոլոգիական մակարդակ, նպաստում առևտրի արագացմանը և վերահսկողական գործառնությունների պարզեցմանը: