Մաքսային մարմինների թվայնացման հեռանկարները քննարկել են «Մաքսային մարմինների թվային փոխակերպումը Եվրասիական տնտեսական միությունում» թեմայով կլոր սեղանի ընթացքում, որի մոդերատորն էր Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը:
ԵԱՏՄ երկրների մաքսային մարմինների ղեկավարների տեղակալները կլոր սեղանի շրջանակներում ներկայացրել են մաքսատան գործունեությունում թվային լուծումների հետագա ներդրման պլանները՝ միասնական կարծիք հայտնելով արդյունավետ և կայուն տեղեկատվական փոխանակման ապահովման կարևորության մասին:
Գործարար համայնքի ներկայացուցիչները պատմել են տարբեր տեսակի տրանսպորտով միջազգային փոխադրումների թվայնացման և պետական մարմինների հետ փոխգործակցության գործընթացի առկա փորձի, իսկ գիտական շրջանակների ներկայացուցիչները՝ թվային փոխակերպման գործընթացին մաքսային մարմինների մասնակցության և թվային ճարտարապետության հայեցակարգի կառուցման առաջարկների մասին:
Ռուսլան Դավիդովը կլոր սեղանի մասնակիցներին կոչ է արել ավելի ակտիվորեն ներգրավվել ԵՏՀ հարթակում մաքսային վարչարարության և միջազգային լոգիստիկայի կառավարման կատարելագործման թվային լուծումները ձևավորելու աշխատանքներին: