Միության կլինիկական պրակտիկայի կանոնների արդիականացված խմբագրությունը համապատասխանում է Բժշկական կիրառման դեղապատրաստուկների գրանցմանը ներկայացվող տեխնիկական պահանջների ներդաշնակեցման միջազգային խորհրդի (ICH) Պատշաճ կլինիկական պրակտիկայի կանոններին: Սա թույլ կտա ապահովել ԵԱՏՄ տարածքում և դրա սահմաններից դուրս կատարվող հետազոտությունների արդյունքների ճանաչումը:
Առաջին հերթին, սա կլինի աջակցություն ԵԱՏՄ երկրների շուկայի՝ միջազգային մուլտիկենտրոն հետազոտություններ իրականացնող մասնակիցների (կլինիկական կենտրոնների) համար: Արտադրողները արտերկրում պատրաստուկներ գրանցելիս հնարավորություն կունենան ներկայացնելու կլինիկական հետազոտությունների արդյունքներն առանց հետազոտությունները կրկնելու, ինչը կնպաստի ԵԱՏՄ դեղագործական արտադրանքի արտահանման գրավչությանը, կնվազեցնի բիզնեսի բեռը՝ պայմանավորված արտերկրում դեղապատրաստուկների գրանցման համար հետազոտությունների կրկնության բացառմամբ: