Եվրասիական տնտեսական հանձնաժողովի Կոլեգիան հաստատել է «Թեթև արդյունաբերության արտադրանքի անվտանգության մասին» տեխնիկական կանոնակարգի իրագործման համար անհրաժեշտ միջպետական ստանդարտների մշակման ծրագիրը։
Ծրագրի գործող տարբերակը երկրների կողմից կատարվել է ամբողջ ծավալով՝ մշակվել և վերանայվել է 58 միջպետական ստանդարտ։
Նոր հրատարակությունը նախատեսում է 189 միջպետական ստանդարտի մշակում և վերանայում՝ գերատեսչական և ազգային փաստաթղթերը միասնական միջպետական ստանդարտներով փոխարինելու, ինչպես նաև հնացած միջպետական ստանդարտների արդիականացման համար։