Նորություններ

Եվրասիական տնտեսական հանձնաժողովի Կոլեգիան հաստատել է փոխադրման և օգտագործման համար նախապատրաստված դյուրավառ բնական գազի անվտանգության մասին տեխնիկական կանոնակարգի միջպետական ​​ստանդարտների մշակման ծրագիրը:

Ծրագիրը նախատեսում է մինչև 2024 թվականը 17 միջպետական ​​ստանդարտների նախապատրաստում։ Պատասխանատու մշակողներն են Ղազախստանի Հանրապետությունը (1 ՊԵՏՍՏ) և Ռուսաստանի Դաշնությունը (16 ՊԵՏՍՏ): Ծրագրում ներառված ստանդարտների մշակումը պայմանավորված է Միության պետությունների ստանդարտացման փաստաթղթերի դրույթների ներդաշնակեցման և թարմացման անհրաժեշտությամբ՝ հասկացությունների ապարատի և ընթացիկ չափման մեթոդների կիրառման առումով: Հետազոտության կանոններն ու մեթոդները պարունակող ստանդարտների մի մասը, ներառյալ նմուշառման կանոնները, ստանդարտացման ազգային փաստաթղթեր են: Դրանք հաստատվել են մինչև փոխադրման և օգտագործման համար նախապատրաստված դյուրավառ բնական գազի անվտանգության մասին տեխնիկական կանոնակարգի ընդունումը։ Հետևաբար, դրանք պետք է վերանայվեն, որպեսզի համապատասխանեցվեն տեխնիկական կանոնակարգերին և ընդունվեն որպես ՊԵՏՍՏ: