Եվրասիական տնտեսական հանձնաժողովում աշխատանքային խորհրդակցություններ են անցկացվել Եվրասիական տնտեսական միության երկրների մաքսային մարմինների և Վիետնամի մաքսային ծառայության միջև տեղեկատվության փոխանակման փորձնական փուլ իրականացնելու շուրջ։ Միջոցառմանը մասնակցել են ԵՏՀ, Դաշնային մաքսային ծառայության և Վիետնամի Սոցիալիստական Հանրապետության ֆինանսների նախարարության գլխավոր մաքսային վարչության ներկայացուցիչներ։

Խորհրդակցությունների մասնակիցները քննարկել են տեղեկատվության առաջին (փորձնական) փոխանակման իրականացման տեխնիկական հարցեր և տեղեկատվական փոխգործակցության հաջորդ փուլ անցնելու պատրաստակամությունը:

Նշվել է ԵԱՏՄ երկրների և Վիետնամի Սոցիալիստական Հանրապետության միջև մաքսային ոլորտում տեղեկատվական փոխգործակցության հաստատման աշխատանքների արդիականությունը։ Քննարկվել է մոտ հեռանկարում նախատեսվող միջոցառումների ժամանակացույցը։