Նորություններ

Անասնաբուժական միջոցների, դեղային պատրաստուկների շրջանառության կարգավորման և մաքսային վարչարարության ոլորտներում Եվրասիական տնտեսական հանձնաժողովի որոշումների նախագծերը քննարկվել են ԵՏՀ որոշումների նախագծերի կարգավորման ազդեցության գնահատման հարցերով աշխատանքային խմբի նիստին։

Քննարկվել են ԵՏՀ Կոլեգիայի՝ ցեղական շների բուծման համար օգտագործվող գենետիկական նյութի ներմուծման և փոխադարձ տեղաշարժի համար հավելյալ պահանջների բացառմանն ուղղված նախագծերը։ Մասնավորապես, միասնական անասնաբուժական պահանջներից և անասնաբուժական սերտիֆիկատի ձևից հեռացվում են տուբերկուլոզի, ախտածին և թունավոր միկրոօրգանիզմների բացակայության հաստատման, ինչպես նաև հակագելմինտային պատրաստուկներով մշակումների անցկացման անհրաժեշտության մասին նորմերը։

Հավանություն է ստացել արյան պլազմայից ստացված դեղային պատրաստուկների անվտանգության և որակի ապացուցողական ուսումնասիրությանը ներկայացվող միասնական պահանջները սահմանելու մասին ԵՏՀ Խորհրդի որոշման նախագիծը։ Միության շրջանակներում այդ պահանջների միասնականացումը թույլ կտա ապահովել արյունից պատրաստուկների արտադրությունը որակի և անվտանգության կայուն սահմանված պարամետրերով, կառավարել նման դեղային պատրաստուկների անվտանգության նկատմամբ ռիսկերը։

Նիստի շրջանակներում աշխատանքային խմբի անդամները համաձայնել են մաքսային արժեքի հայտարարագրի ձևի և դրա լրացման կանոնների փոփոխության անհրաժեշտության վերաբերյալ։ Այդ փոփոխություններն ուղղված են մաքսային արժեքի մեջ մտավոր սեփականության օբյեկտների օգտագործման համար արտոնագրային վճարները մաքսային արժեքի մեջ ներառելու մասին տեղեկությունների՝ ձեռնարկատիրական գործունեության սուբյեկտների կողմից մաքսային արժեքի հայտարարագրում նշելու կարգի հստակ ընկալման ապահովմանը։