Նորություններ

09.11.2021 (Обновлено: 03.03.2022 09:53)

ЕЭК-те ветеринариялық шаралар, дәрілер мен медициналық бұйымдар айналысы жөніндегі шешімдердің бизнеске ықпалы бағаланды

Еуразиялық экономикалық комиссияның шешімдері жобаларының реттеуші әсерін бағалау жөніндегі жұмыс тобы 8 қарашада Кәсіпкерлік қызметті дамыту департаментінің директоры, жұмыс тобы жетекшісінің орынбасары Ғалия Жолдыбаеваның төрағалық етуімен ветеринариялық шараларды қолдану, дәрілік заттар мен мен медициналық бұйымдар айналысының ортақ нарықтарын реттеу мәселелерін қарады.


Елдің мал аурулары бойынша мәртебесі туралы Халықаралық эпизоотиялық бюросының сертификаттарын алған кездегі Одақ елдері уәкілетті органдары арасындағы өзара іс-қимылдың дәл тәртібін белгілеуге мүмкіндік беретін ЕЭК Кеңесі шешімінің жобасы талқыланды.

Бұл мәселелерді регламенттеу артық ветеринариялық-санитариялық талаптар мен рәсімдерді белгілеуді, сондай-ақ малдан алынатын тамақ өнімдерінің өзара саудасында тосқауылдардың пайда болуын болдырмауға көмектеседі.

Құс шаруашылығы саласы үшін ЕАЭО-ға әкелінетін тауарларға арналған ветеринариялық сертификаттың өзгерістері қаралды. Жұмыс тобы кәсіпорынның сертификатта көрсетілетін нөмірін үшінші елдің (экспорттаушы елдің) құзыретті органы осындай нөмір бар болған кезде беретінін нақтылауды ұсынды. Бұл құқықтық айқынсыздықты және Одақтың өнім берушілері — үшінші елдердің кәсіпорындары тізіліміндегі кәсіпорынның нөмірін ветеринариялық сертификатта көрсету жөніндегі негізсіз талаптар қою тәуекелін болдырмауға мүмкіндік береді.

Жұмыс тобы ЕЭК Кеңесінің «Медициналық бұйымдардың сапа менеджменті жүйесін ендіруге, қолдауға және оларды пайдаланудың ықтимал тәуекеліне байланысты бағалауға қойылатын талаптарға өзгерістер енгізу туралы» шешімінің жобасы талқыланды, онда инспекциялаушы орган мемлекеттік меншік нысанындағы ұйым немесе уәкілетті органға кедомстволық бағыныстағы ұйым болуы мүмкін екендігін көздеу ұсынылады. Жұмыс тобы бұрын ЕЭК Кеңесі келіскен тәсілдемені сақтау туралы мәселені қосымша пысықтау қажеттігіне назар аударды, соған сәйкес инспекциялаушы ұйым мәртебесін кез келген меншік нысанындағы ұйым ала алады, ал оның Одақта белгіленген инспекциялаушы ұйымдарға қойылатын бірыңғай талаптарға сәйкес келуін Одақ елінің уәкілетті органы растайды.

Жұмыс тобы сондай-ақ Фармацевтикалық инспекциялар жүргізу қағидаларының жаңа редакциясының жобасын қарады. Бизнес-қоғамдастықпен жалпы негіздерде берілген сертификатты қолданудың үш жылдық мерзімі туралы мәселені бұл мерзімді оңайлатылған тәртіпте сертификат алу жағдайлары үшін қысқарту мүмкіндігін белгілей отырып қосымша талқылау туралы уағдаластыққа қол жеткізілді.