Եվրասիական տնտեսական հանձնաժողովի արդյունաբերական բլոկի ներկայացուցիչները մասնակցել են «Քիմիա-2024» քիմիական արդյունաբերության և գիտության միջազգային ցուցահանդեսների և «Տեխնոֆորում-2024» կառուցվածքային նյութերի մշակման սարքավորումների և տեխնոլոգիաների պոլիտեխնիկական ցուցահանդեսի գործարար ծրագրերի միջոցառումներին:

Միջոցառումների ընթացքում քննարկվել են Եվրասիական տնտեսական միությունում արդյունաբերության, արդյունաբերական կոոպերացիայի և ներդրումային նախագծերի հարցերում տեխնոլոգիական ինքնիշխանություն ձեռք բերելու, հաստոցաշինական արդյունաբերությունը զարգացնելու հարցեր, լրացուցիչ մուտքային տվյալներ են ստացվել ոլորտային ցանկերի նախապատրաստման ուղղությամբ ԵՏՀ արդյունաբերական բլոկի աշխատանքները շարունակելու համար:

«Ցանկերի նախապատրաստումը ԵՏՀ Կոլեգիայի այս տարվա հուլիսի 1-ի հանձնարարականին համապատասխան նախատեսում է տվյալների տեղեկատվական շտեմարաններ ստեղծելու հնարավորություն, որոնք թույլ կտան բացահայտել կարիքները, համակարգել հաստոցաշինության ծայրահեղ կարևոր արտադրանքի արտադրության յուրացման աշխատանքը և Միությունում նոր կոոպերացիոն կապեր ձևավորել»,- նշել է ԵՏՀ արդյունաբերական քաղաքականության վարչության ղեկավար Դմիտրի Յարոշենկոն։

Հանձնաժողովի պատվիրակությունը մի շարք գործնական հանդիպումներ է ունեցել, այդ թվում՝ Ռուսաստանի քիմիկոսների միության գործադիր տնօրենի տեղակալ Լեոնիդ Ֆրեյմանի հետ։

Հանձնաժողովի ներկայացուցիչները ցուցահանդեսի մասնակիցներին տեղեկացրել են ԵԱՏՄ երեք և ավելի պետությունների մասնակցությամբ նախագծեր իրականացնելիս արդյունաբերական կոոպերացիայի ֆինանսավորման մեխանիզմի օգտագործման հնարավորությունների մասին։