Վիճակագրության ոլորտում եվրասիական ինտեգրման զարգացման հեռանկարները քննարկվել են Եվրասիական տնտեսական հանձնաժողովի կոլեգիայի վիճակագրության հարցերով խորհրդատվական կոմիտեի նիստում, որը տեղի է ունեցել ապրիլի 22-ին ԵՏՀ ինտեգրման և մակրոտնտեսության նախարար Սերգեյ Գլազևի նախագահությամբ:

Հիմնական շեշտը դրվել է Եվրասիական տնտեսական միության վիճակագրության ոլորտի ինտեգրման զարգացման 2026 - 2030 թվականների ծրագրի հայեցակարգի մշակման հարցի քննարկման վրա։ «2025 թվականին ավարտվում է ներկայումս գործող՝ ԵԱՏՄ վիճակագրության ոլորտում ինտեգրացիայի զարգացման ծրագրի իրականացումը, – նշել է Սերգեյ Գլազևը։ – Կարևոր է արդեն այսօր որոշել անդամ պետությունների հետ մեր հետագա համատեղ գործողությունների գերակայությունները»։

Գործողությունների ռազմավարական պլանի մշակման և այս ոլորտում մինչև 2030 թվականը զարգացման ճանապարհային քարտեզի ձևավորման նպատակով Խորհրդատվական կոմիտեի անդամները կարևորել են կարծիքների և փորձի փոխանակումը այս տարվա մայիսի 15-16-ը Մոսկվայում կայանալիք «Մինչև 2030 թվականը ԵԱՏՄ վիճակագրության զարգացման ռազմավարական վեկտորները» միջազգային սեմինարում:

ներկայացվել է զեկույցը 2023 թվականի տնտեսական և սոցիալ-ժողովրդագրական վիճակագրության վերաբերյալ Միության երկրների լիազոր մարմինների կողմից ընդունվող նորմատիվ իրավական ակտերի մշտադիտարկման մասին։

Քննարկվել են անդամ պետությունների միջև արտաքին հատվածի վիճակագրական տվյալների «հայելային» համեմատությունների արդյունքները։ Նշվել են «հայելային» տարբերությունների կրճատման դրական օրինակներ, տեղեկատվություն է ներկայացվել երկրների երկկողմ համեմատությունների անկայուն արդյունքների մասին: Հանդիպման մասնակիցները որոշել են մոտ ապագայում մանրամասն քննարկել մինչև 2030 թվականը ԵԱՏՄ վիճակագրության զարգացման ռազմավարական փաստաթղթեր նախապատրաստելիս վճարային հաշվեկշռի «հայելային» վիճակագրությունը բարելավելու առաջարկներն ու միջոցառումները։

Բացի այդ, քննարկվել են Ռազմավարություն 2025-ի և ԵԱՏՄ վիճակագրության ոլորտում ինտեգրման զարգացման 2021-2025 թվականների ծրագրի իրականացման 2023 թվականների գործողությունների պլանի իրականացման արդյունքները: