Նոյեմբերի 26-ին Եվրասիական տնտեսական հանձնաժողովի տեխնիկական կարգավորման և հավատարմագրման վարչությունում կայացել է «Սննդային հավելումների, բուրավետիչների և տեխնոլոգիական օժանդակ միջոցների անվտանգության պահանջներ» (ՄՄ ՏԿ 029/2012) տեխնիկական կանոնակարգի նոր պահանջների կիրառման միասնական մոտեցումների քննարկմանը նվիրված ամփոփիչ սեմինարը, որոնք ուժի մեջ են մտել այս տարվա փետրվարի 27-ից։

Սեմինարների շարքը, որոնցից առաջինը և երկրորդը կայացել են 2024 թվականի ապրիլ և հուլիս ամիսներին, կազմակերպվել է Բելառուսի Հանրապետության ստանդարտացման պետական կոմիտեի առաջարկով, որը պայմանավորված էր ԵՏՀ խորհրդի որոշմամբ 2023 թվականի օգոստոսին ընդունված և մինչև տեխկանոնակարգի 70%-ը շոշափող փոփոխությունների էական ծավալներով։

Երեք սեմինարին մասնակցել է Եվրասիական տնտեսական միության երկրների լիազոր մարմինների, ոլորտային գործարար միավորումների և կազմակերպությունների ավելի քան 500 ներկայացուցիչ։

Առաջին երկու սեմինարների քննարկումների արդյունքում համաձայնեցվել են 27 հարցի պատասխանները, որոնք նախապատրաստվել են Վարչության կողմից, այդ թվում՝ ստեվիայի էքստրակտները, սննդային հավելումները տեխկանոնակարգում չնշված սննդամթերքի տեսակների համար օգտագործելու հնարավորության, ֆունկցիոնալ և ոչ ֆունկցիոնալ սննդային հավելումների տարբերությունների, բարդ սննդային հավելումների և բուրավետիչների տարբերությունների, բազմաբաղադրիչ սննդամթերքի մակնշման առանձնահատկությունների, տեխկանոնակարգի տարբեր օբյեկտների համապատասխանության գնահատման առանձնահատկությունների, անցումային շրջանի մասին:

Երրորդ սեմինարի համար ընտրվել է շուրջ 30 առավել կարևոր և արդիական հարց, այդ թվում՝ հացի և հացաբուլկեղենի, մսի և թռչնամսի արտադրանքի, գարեջրի և գարեջրային ըմպելիքների, կետչուպների և սոուսների համար սննդային հավելումների կիրառման առանձնահատկությունների, փաթեթավորման գազերի օգտագործման, սննդամթերքի բաղադրության մեջ սննդային հավելումների անվան ձևավորման, ոչ ֆունկցիոնալ սննդային հավելումների հետ սննդամթերքի համապատասխանության գնահատման առանձնահատկությունների, քաղցրացուցիչներով և շաքարներով, ֆերմենտային պատրաստուկներով սննդամթերքի մակնշման մասին:

Եզրափակիչ սեմինարի ընթացքում ԵԱՏՄ երկրների առաջատար փորձագետները, որոնք աշխատանքային խմբի կազմում մասնակցել են նշված պահանջների մշակմանը, մասնավորապես՝ Սննդի բաղադրիչներ արտադրողների միության ներկայացուցիչները, պատասխանել են ձեռնարկատերերի և պետական մարմինների հարցերին, որոնք ստացել են նոր պահանջների կիրառման անհրաժեշտ հանձնարարականներ։