Մոսկվայում՝ Եվրասիական տնտեսական հանձնաժողովի տեխնիկական կարգավորման և հավատարմագրման վարչության փոխտնօրեն Չինարա Մամբետալիևայի մասնակցությամբ կայացած 10-րդ Համառուսաստանյան GMP խորհրդաժողովի ընթացքում քննարկվել են Եվրասիական տնտեսական միության շրջանակներում դեղագործական ոլորտի նվաճումները և զարգացման հեռանկարները:

Քննարկման ընթացքում ԵՏՀ ներկայացուցիչը կարևորել է դեղագործական արտադրությունում նGMP ստանդարտների ներդրման դերը:

«GMP կանոններից են կախված դեղամիջոցների որակը, արդյունավետությունը և անվտանգությունը, հետևաբար՝ նաև բնաչության առողջությունը, — նշել է Չինարա Մամբետալիևան: — Այս ոլորտում միասնական նորմերի ներդրումը զգալիորեն բարելավել է դեղերի, դեղագործական ձեռնարկությունների անձնակազմի որակը, կադրերի նախապատրաստումը և ատեստավորումը»:

Չինարա Մամբետալիևան նաև մասնակցել է «ԵԱՏՄ բժշկական կիրառության դեղամիջոցների ընդհանուր շուկա» նստաշրջանին, որի ընթացքում քննարկվել են պրոֆիլային հարցեր, այդ թվում՝ դեղագործական ոլորտում կարգավորիչ փոխգործակցության վերաբերյալ: