Перейти на старую версию сайта
Глазьев Сергей Юрьевич

Өмірбаян

1961 жылғы 1 қаңтарда туған.

1983 жылы М.В. Ломоносов атындағы ММУ «Экономикалық кибернетика» мамандығы бойынша бітірген.

Еңбек қызметін 1983 жылы бастаған. 1983 жылдан бастап 1991 жылға дейінгі аралықта аспирант, КСРО Ғылым академиясының Орталық экономикалық-математикалық институтында кіші ғылыми қызметкер, ғылыми қызметкер, аға ғылыми қызметкер, зертхана меңгерушісі болып жұмыс істеді.

1991 – 1992 жылдары - Ресей Федерациясы Сыртқы экономикалық байланыс комитеті төрағасының бірінші орынбасары.

1993 жылы Ресей Ғылым академиясының Орталық экономикалық-математикалық институтында жетекші ғылыми қызметкер, зертхана меңгерушісіінң міндетін атқарушы болды, Ресей Федерациясы Сыртқы экономикалық байланыс министрінің бірінші орынбасары, министрі қызметін атқарды.

1993 – 1996 жылдары - Ресей Федерациясы Федералдық Жиналысы Мемлекеттік Думасының депутаты, Мемлекеттік Думаның Экономикалық саясат комитетінің төрағасы.

1996 жылы Ресей Федерациясы Қауіпсіздік Кеңесі Аппаратының Экономикалық қауіпсіздік басқармасының бастығы қызметінде болды.

1996 – 1999 жылдары - Ресей Федерациясы Федералдық Жиналысы Федерация Кеңесі Аппаратының Ақпараттық-талдау басқармасының бастығы.

1999 жылдан бастап 2003 жылға дейінгі аралықта Ресей Федерациясы Федералдық Жиналысы Мемлекеттік Думасының депутаты, МД Экономикалық саясат және кәсіпкерлік комитетінің төрағасы, мүшесі, МД Кредиттік ұйымдар және қаржы нарықтары комитетінің мүшесі болды.

2003 – 2007 жылдары - Ресей Федерациясы Федералдық Жиналысы Мемлекеттік Думасының депутаты, МД Денсаулық сақтау комитетінің мүшесі, МД Бюджет және салықтар комитетінің мүшесі.

2008 жылдан бастап 2012 жылға дейінгі аралықта ЕурАзЭҚ бас хатшысының орынбасары қызметін атқарды.

2009 – 2012 жылдары - Кеден одағы Комиссиясының жауапты хатшысы.

2012 жылдан бастап 2019 жылға дейінгі аралықта Ресей Федерациясы Президентінің кеңесшісі болды.

2015 жылдан бастап қазіргі күнге дейін - М.В. Ломоносов атындағы ММУ, мемлекеттік басқару факультеті, мемлекеттік және муниципалдық басқару теориясы мен әдіснамасы кафедрасының басшысы.

2019 жылғы қазанда Еуразиялық экономикалық комиссияның Интеграция және макроэкономика жөніндегі Алқа мүшесі (министр) болып тағайындалды.

Экономика ғылымдарының докторы, профессор, РҒА академигі.

Бірқатар мемлекеттік наградаларға ие: «Мәскеудің 850 жылдығына естелік» медалі (1997 ж.), Ресей Федерациясы Президентінің алғысы (2010 ж.), «Достық» ордені (2011 ж.), Ресей Федерациясы Қауіпсіздік Кеңесінің «Ұлттық қауіпсіздікті қамтамасыз етуге сіңірген еңбегі үшін» медалі (2011 ж.), Қауіпсіздік Кеңесінің мерекелік медалі (2017 ж.).

Басқа наградалары арасында – Ресей Федерациясы Федералдық Жиналысы Мемлекеттік Думасының құрмет грамотасы (2001 ж.), Ресей Федерациясы Федералдық Жиналысы Мемлекеттік Думасы Төрағасының алғысы (2006 ж.), «Ресей Мемлекеттік Думасының құрылғанына 100 жыл» естелік мерекелік медалі (2006 ж.), 1 дәрежелі «Еуразиялық экономикалық одақты құруға қосқан үлесі үшін» медалі (2015 ж.), Ресей Федерациясы Федералдық Жиналысы Федерация Кеңесі Төрағасының алғысы (2011 ж.) бар.

300-ден астам ғылыми жұмыстың авторы, ғылыми еңбектерінің бірқатары - «Ұзақ мерзімді техникалық-экономикалық даму теориясы» (1993 ж.), «Жаһандық дағдарыс жағдайындағы Ресейдің озық даму стратегиясы» (2010 ж.), «Кезекті Ресей революциясының сабақтары: либералдық құрғақ қиялдың күйреуі және «экономикалық керемет» мүмкіншілігі» «2011 ж.), «Украин апаты» (2015 ж.), «Болашақтың экономикасы» (2016 ж.), «Соңғы дүниежүзілік соғыс: АҚШ бастайды және жеңіледі» (2016 ж.), «ХХІ ғасырдағы көшбасшылық үшін шайқас» (2017 ж.), «Болашаққа бұлқыныс» (2018 ж.) атты монографиялары.

18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
0/0