Еуразиялық экономикалық комиссия Алқасы 25 мамырда өткен отырыста Әзербайжаннан және Қытайдан шыққан алюминий таспаға қатысты демпингке қарсы баждың қолданысын 2031 жылғы 24 мамырға дейін (қоса алғанда) ұзартты.

"Шешім 2025 жылғы 30 маусымда Еуразиялық экономикалық одаққа мүше мемлекеттердің тауар өндірушілерінің өтініші негізінде қолданыстағы шараның мерзімі аяқталуына байланысты Ішкі нарықты қорғау департаменті бастаған қайталама демпингке қарсы тергеп-тексеру нәтижелері бойынша қабылданды", – деп атап өтті ЕЭК-тің сауда жөніндегі министрі Андрей Слепнев.

Өтінішті "Алюминий өндірушілерінің, жеткізушілерінің және тұтынушыларының бірлестігі" қауымдастығы ұсынды.

Әзербайжаннан және Қытай Халық Республикасынан шығарылатын алюминий таспасына қатысты демпингке қарсы баж салығы ЕЭК Алқасының 2020 жылғы 22 қыркүйектегі № 115 шешіміне сәйкес енгізілді. Мөлшерлеме Әзербайжаннан шығарылатын алюминий таспасына қатысты кедендік құнының 16,18%-ын және Қытай Халық Республикасынан шығарылатын алюминий таспасына қатысты кедендік құнының 13,14%-ын құрайды. Шараны қолдану қайталап тергеп-тексеру жүргізу кезеңіне орай ұзартылған болатын.