М19 сәуірде Алматыда өткен бизнес-диалогқа қатысушылар Еуразиялық экономикалық одақтағы бухгалтерлік және аудиторлық қызметтер нарықтарындағы бәсекелестікті қорғау мәселелерін талқылады.

Іс-шарада Еуразиялық экономикалық комиссияның монополияға қарсы блогының, мемлекеттік органдардың, бухгалтерлік бизнес-қауымдастықтардың өкілдері және ЕАЭО елдерінің кәсіпкерлері сөз сөйледі.

ЕЭК Бәсекелестік және монополияға қарсы реттеу министрі Бақыт Сұлтанов бизнес өкілдерімен кездесу жұмыс жүргізу көзқарасымен бөлісу және кері байланыс алу Комиссия үшін керемет мүмкіндік екенін атап өтті. 

«Қазіргі уақытта біз бәсекелестік ережелерін бұзу жолдарын кесудің қатаң шараларын қолдану көлемін барынша азайтуға және бизнеске оларды өз бетінше айыппұлсыз жоюға мүмкіндік беруге тырысып, Одақ құқығын жетілдіру бойынша жұмыс істеп жатырмыз», - деді Бақыт Сұлтанов.

Ол Комиссияның «жұмсақ құқық» деп аталатын құралдарды қолдана отырып, трансшекаралық цифрлық нарықта кәсіпкерлер арасындағы көмір, газ, косметология, шай сусындары, алюминий банкілер және т.б. нарықтағы дауларды шешкенін айтты.

Бақыт Сұлтанов бәсекеге қабілетті сананы қалыптастырудың маңызды құралы ретінде ЕАЭО құқығына монополияға қарсы комплаенс енгізуді атады. Министр мұндай механизмді енгізу үшін Одақ құқығына және ұлттық заңнамаға өзгертулер енгізу талап етілетінін атап өтті. 

«Біз «Ұйымда монополияға қарсы заңнама талаптарына сәйкестікті іштей қамтамасыз ету жүйесі» ISO халықаралық стандартын енгізу идеясын ұсынамыз. Оның жобасы пысықталды, қазір Техникалық комитетте осындай ISO 309 «Ұйымдарды басқару» стандартын әзірлеуге өтінім жасап жатырмыз», - деді Бақыт Сұлтанов.

 

Сонымен қатар, министр Комиссияның сайтында жарияланған цифрлық модульдер, яғни трансшекаралық нарықтардағы бәсекелестік ережелерін білуге және сақтауға арналған тест, айыппұлдарды есептеу калькуляторы, бәсекелестік ережелерін бұзу фактісі бойынша өтініштің чек-парағы туралы айтты. Бұл құралдар бәсекелестікті қорғау саласында жаңа білім алу, ұлттықтан жоғары монополияға қарсы заңнаманың бұзылуына жол бермеу үшін өзін-өзі бақылау деңгейін арттыру мақсатында ЕАЭО елдерінің бизнесіне көмек ретінде енгізілді.

Комиссияның монополияға қарсы блогының осы жылы аяқтаған кәсіби бухгалтерлер мен аудиторларды сертификаттау және оқыту жөніндегі трансшекаралық қызметтер нарығындағы бәсекелестіктің бұзылуын тергеп-тексеруі негізгі талқыланған тақырыптың бірі болды. Олардың нәтижелері бойынша ЕЭК Алқасының шешімдерімен көрсетілген қызметтерді орындаған Қазақстан мен Қырғызстанның бірқатар шаруашылық жүргізуші субъектілеріне жосықсыз бәсекелестік үшін айыппұлдар салынды.

Комиссияның Монополияға қарсы реттеу департаментінің директоры Алексей Сушкевич бизнес-диалогқа қатысушыларға осы жағдайлар туралы толық айтып берді. Ол соңғы үш жылдағы ЕЭК бәсекелестік блогының монополияға қарсы тәжірибесінің статистикасымен бөлісті. Осы кезеңде бәсекелестік ережелерін бұзу белгілері бойынша 70 өтініш қаралды, 28 тергеу жүргізілді, 15 іс қозғалды.

Сонымен қатар қатысушыларға Одақтың трансшекаралық нарығындағы бәсекелестік ережелерін бұзудың қалай алдын алу керектігі, сондай-ақ нарықтағы бәсекелестікке қарсы мінез-құлық белгілері болған жағдайда ұлттықтан жоғары монополияға қарсы органға жүгіну тәртібі туралы ақпарат берілді.