Еуразиялық экономикалық комиссия Алқасының Төрағасы Бақытжан Сағынтаев Никол Пашинянды Армения Республикасы Премьер-министрі лауазымына қайта тағайындалуымен құттықтады.

«Көрсетілген жоғары сенім – Сіздің елдің тұрақты дамуын қамтамасыз ету және азаматтардың әл-ауқатын жақсарту жөніндегі бағытыңызға берілген қолдаудың дәлелі», – деп атап өтілген құттықтау хатта.

ЕЭК Алқасының басшысы Армения Республикасы Үкіметі мен Еуразиялық экономикалық комиссия арасындағы одан әрі сындарлы ынтымақтастық өзара тиімді ынтымақтастықты табысты дамытуға септігін тигізетініне сенім білдірді.