Еуразиялық экономикалық комиссия Алқасының Төрағасы Бақытжан Сағынтаев Қырғыз Республикасының Президенті, Жоғары Еуразиялық экономикалық кеңес мүшесі Садыр Жапаровты және бүкіл қырғыз халқын Конституция күнімен құттықтады.

Құттықтау хатта ЕЭК Алқасының басшысы: "Қырғызстан Конституциясы елдің экономикалық дамуы мен оның Еуразиялық кеңістіктегі интеграциялық процестерге белсенді қатысуы үшін құқықтық іргетас болып табылады", – деп атап көрсетті. 

Бақытжан Сағынтаев Еуразиялық экономикалық комиссия атынан және жеке өз атынан Қырғыз Республикасы мен оның азаматтарына құт-береке және өркендеу тіледі.