2026 жылы ЕАДБ құрылғанына 20 жыл толады. Осы уақыт ішінде банк, Еуразиялық экономикалық одақ мемлекеттері және Комиссия арасында Еуразиялық кеңістіктегі интеграциялық процестерді қолдауға бағытталған өзара іс-қимылдың тиімді механизмі құрылды.
Жыл сайынғы жиналыс пен бизнес-форумға қатысушылар тараптардың қарым-қатынасын рәсімилеу, сондай-ақ көп жылдық бірлескен жұмыс Еуразиялық экономикалық интеграцияны тереңдетудің маңызды факторына айналғанын атап өтті.
Осы кезеңде интеграциялық сипаттағы инвестициялық жобаларды талдау және бағалау, оларды қаржыландыру бойынша ұсыныстар дайындау және Еуразиялық "бестік" елдерінде осындай бастамаларды іске асыруға жәрдемдесу бойынша ауқымды жұмыс жүргізілді.
Форумның іскерлік бағдарламасы барысында ЕАДБ-ның банкке мүше мемлекеттердің, соның ішінде ЕАЭО елдерінің, олардың орнықты экономикалық өсуіне, сауда-экономикалық байланыстарын кеңейтуге және инвестициялық қызмет есебінен перспективалы интеграциялық жобаларды ілгерілетуге жәрдемдесетін басты қаржылық әріптесі болып табылатыны атап өтілді.
"Еуразия 2030+: инвестициялар, өсу және жаңа мүмкіндіктер" пленарлық сессиясында қатысушылар өңірдің бәсекеге қабілеттілігін арттыру мәселелерін талқылады. Олар, ең алдымен, оның жаңа технологиялық шешімдер негізіндегі құрылымдық трансформациясына байланысты.
