Еуразиялық экономикалық комиссия Алқасының Төрағасы Бақытжан Сағынтаев 28 қарашада ЕЭК штаб-пәтерінде Комиссия мен Еуразиялық экономикалық одақтың Іскерлік кеңесінің өзара іс-қимыл жөніндегі консультативтік кеңесінің XI отырысына қатысты.

 

Іс-шараны ашқан Бақытжан Сағынтаев іскер топтардың интеграциялық процестерге тартылуы — ЕАЭО елдері экономикасының бәсекеге қабілеттілігін қамтамасыз етудің маңызды элементі екенін атап көрсетті.

"ЕЭК пен" бестік " мемлекеттерінің бизнесі Комиссия шешімдері мен халықаралық шарттар жобаларының реттеуші және нақты әсерін бағалау рәсімдері шеңберінде тиімді өзара іс-қимыл жасайды. 2025 жылы кәсіпкерлердің Комиссияға берген барлық өтініші бойынша оң нәтижелер бар: олардың бір бөлігі шешілді, басқалары бойынша тәмамды түсініктемелер берілді", — деп хабарлады Бақытжан Сағынтаев. 

Мониториң интеграцияның бизнесті жүргізу жағдайларын жақсартуға оң әсерін растайды. Одақ шеңберінде тауарлармен өзара сауда көлемі 2024 жылы 2023 жылмен салыстырғанда 9%, көрсетілетін қызметтер 16% өсті. Тікелей инвестициялардың өсуі 17% құрады.

ЕЭК Алқасының басшысы атап өткендей, қызметтің маңызды бағыттары өнеркәсіп кәсіпорындарына сыртқы нарықтарда қолайлы жағдайлар жасау және өнеркәсіп пен АӨК-тегі кооперациялық жобаларға жәрдемдесу болып табылады. 

"Тәжірибе көрсеткендей, нормативтік базаны құру мен қаржыландыру алу жеткіліксіз. Қолдау механизмдерін тиімді іске қосу үшін бүгінгі күннің, дұрысы — ертеңгі күннің нарықтық сұратулары мен қажеттіліктеріне жауап беретін нақты бизнес-жобалар пулын қалыптастыру қажет. Бұл мәселелерде біз ЕАЭО Іскерлік кеңесінің практикалық көмегіне сенеміз", — деді Бақытжан Сағынтаев. 

Сөзін қорытындылай келе, Алқа Төрағасы Комиссияның қызметі тұтастай алғанда Еуразиялық экономикалық интеграцияның әлеуетін ашу есебінен ЕАЭО шеңберінде бизнесті жүргізу үшін қолайлы жағдайлар жасауға бағытталғанын мәлімдеді және іскер қоғамдастықты бұдан арғы қарқынды және ашық диалогқа шақырды.