Бұл 10 қазанда Вьентьянда өткен (Лаос) АСЕАН Іскерлік инвестициялық саммиті шеңберіндегі "АСЕАН мен Солтүстік Еуразия макроөңірлерінің экономикалық интеграциясы мен байланыстылығы" сессиясы барысындағы түйінді тезистің бірі болды. Қатысушылар сауда-экономикалық және инвестициялық ынтымақтастықты дамыту мәселелерін, сондай-ақ екі өңірдің экономикалық әлеуетін іске асыру жолдарын талқылады. Сессияда Еуразиялық экономикалық комиссияның Интеграция және макроэкономика жөніндегі министрі Эльдар Алишеров сөз сөйледі.

"Интеграция – бұл біздің экономикамызды тұрақтандыратын, бәсекелестік артықшылықтарды ашатын, сыртқы күйзелістерді азайтатын, түйінді көрсеткіштердің конвергенциясын қамтамасыз ететін құрал",- деп мәлімдеді Эльдар Алишеров.

ЕЭК министрі интеграцияаралық ынтымақтастық Еуразия құрлығындағы экономикалық байланыстылықтың негізін қалайтынын, бұл өңірде ілгерілетіліп жатқан Үлкен Еуразиялық әріптестік тұжырымдамасына сәйкес келетінін атап көрсетті.

ЕЭК министрі ЕАЭО мен АСЕАН ынтымақтастығы үшін цифрландыру, өнеркәсіптік кооперация, көлік және логистика, азық-түлікпен қамтамасыз ету, инфрақұрылым және энергетика сияқты басымдықты салаларды атап өте келіп, "Еуразияда тосқауылсыз экономикалық кеңістік құру үшін жағдай жасаумен белсенді жұмыс істеген маңызды", - деп атап көрсетті.

Эльдар Алишеров ЕАЭО мен АСЕАН іскер топтары екі бірлестіктің диалогын дамытудың түйінді драйверлері болып табылатынын және өңірлер арасындағы ортақ сенім кеңістігін тікелей қалыптастыратынын да атап көрсетті. ЕЭК министрі АСЕАН елдерінің ресми және іскер топтарын қараша айының соңында Малайзияда өткізу жоспарланған ЕАЭО-АСЕАН бизнес-диалогына қатысуға шақырды.