Кездесу барысында тараптар кедендік ынтымақтастықтың өзекті мәселелерін және кедендік ақпарат ауысуды ұйымдастыру және Өзбекстан Республикасының ЕАЭО кедендік транзитінің бірыңғай жүйесі туралы келісімге қосылуы сияқты интеграциялық жобаларды іске асыру жөніндегі бұдан арғы қадамдарды талқылады.
ЕАЭО-да тасымалдарды қадағалап отыру үшін навигациялық пломбаларды қолдану туралы келісімді практикалық іске асыруға, сондай-ақ оларды адал бизнес үшін қолданудың нәтижелеріне ерекше назар аударылды.
ЕЭК министрі Өзбекстан Республикасының өкілдерін 28-29 мамырда Астанада өтетін Еуразиялық экономикалық форумға қатысуға шақырды. ЕЭФ-2026 барысында кеден блогы панельдік сессия өткізеді, оның негізгі тақырыптары кеден процестерін цифрландыру және кеден органдарының қызметіне жасанды интеллект элементтерін ендіру перспективалары болады.
Тараптар Еуразиялық экономикалық одақ елдері мен Өзбекстан арасындағы диалогты дамытудың, сондай-ақ интеграциялық процестерді тереңдету жөніндегі міндеттерді іске асыру үшін жүйелі байланысуды қолдаудың маңыздылығын атап көрсетті.
ЕАЭО-да тасымалдарды бақылап отыру үшін навигациялық пломбаларды қолдану туралы келісім ағымдағы жылдың 11 ақпанынан бастап күшіне енді. Осы кезеңде электрондық навигациялық пломбаларды қолдана отырып, ЕАЭО аумағы бойынша 30 мыңнан астам тауар тасымалдау жүзеге асырылды.
