Еуразиялық экономикалық одақ елдерінің Үкімет басшылары 2026 жылғы 2 қазанда Минскіде өткен Үкіметаралық кеңестің отырысында ЕАЭО-ға мүше мемлекеттердің аумақтарында "Шығыс – Батыс" және "Солтүстік – Оңтүстік" бағыттарында, соның ішінде Қытайдың "Бір белдеу, бір жол" бастамасымен ұштасу шеңберінде көлік инфрақұрылымын құру және дамыту туралы баяндаманы мақұлдады.
Баяндаманы жыл сайынғы негізде дайындау ЕАЭО-дағы экономикалық процестерді одан әрі дамыту туралы 2030 жылға дейінгі және 2045 жылға дейінгі кезеңге арналған декларацияны іске асыру жөніндегі "жол картасында" көзделген.
"Көлік біздің елдер экономикасының көлік қызметтеріне деген қажеттілігін тұрақты түрде қамтамасыз етеді, 2025 жылы көліктің барлық түрімен жүк айналымы оң серпін көрсетіп, 6 трлн т-км асты", – деп атап өтті Энергетика және инфрақұрылым жөніндегі министр Арзыбек Кожошев.
Одаққа мүше мемлекеттер ауқымды инфрақұрылымдық жобаларды белсенді түрде іске асыруда. Осы күш-жігерді үйлестіру үшін Еуразиялық көлік дәліздерін дамытудың кешенді жоспарының іс-шаралары жүзеге асырылады:
- дамудың нысаналы индикаторлары (көрсеткіштері) қалыптастырылды;
- ең төменгі талаптар әзірленді;
- Еуразиялық дәліздердің паспорттары дайындалды.
Ағымдағы жылғы 17 мамырда ЕАЭО-ға мүше мемлекеттердің Еуразиялық көлік дәліздеріне енгізілген автомобиль жолдарымен жүру кезіндегі көлік құралдарының рұқсат етілген массалары, өстік жүктемелері мен габариттері туралы келісімнің күшіне енуі маңызды жетістік болды, бұл 14 мың км астам автомобиль жолдарының технологиялық бірлігін қамтамасыз етті.
Комиссия тараптармен бірлесіп, Қытай Халық Республикасымен, Біріккен Араб Әмірліктерімен және Иран Ислам Республикасымен көлік саласындағы халықаралық ынтымақтастықты арттыру бойынша да белсенді жұмыс жүргізуде.
Сөйтіп, ауқымды жобаларды іске асыру және басты әріптестермен халықаралық ынтымақтастықты кеңейту Еуразиялық көлік дәліздерін Еуразияның орнықты экономикалық өсуінің түйінді элементіне айналдыру үшін негіз қалайды.
