ЕЭК Бәсекелестік саясат және мемлекеттік сатыпалым саласындағы саясат департаменті директорының орынбасары Армине Акопян АСЕАН бәсекелестік жөніндегі сарапшылық тобының 36-шы отырысының арнаулы сессиясында Еуразиялық экономикалық комиссияның Оңтүстік Шығыс Азия мемлекеттері қауымдастығымен бәсекелестік саласындағы ынтымақтастығының бағыттары бойынша ұсыныстарын таныстырды.

 

"Комиссия АСЕАН-мен бәсекелестік саласындағы өзара іс-қимылдың неғұрлым практикалық деңгейіне көшуде. Біздің интеграциялық бірлестіктеріміздің ынтымақтастық қорытындылары өңірлік деңгейде бәсекелестікті реттеу ерекшеліктері бойынша диалогтың сұранысты екендігін және тәжірибе ауысуға деген өзара мүдделілікті көрсетті", – деп атап өтті Армине Акопян.

Сессия барысында ЕАЭО мен АСЕАН-дағы бәсекелестік мәселелері бойынша келесі семинардың тақырыптары келісілді. Атап айтқанда, картельдік келісімдерге баса назар аударыла отырып, трансшекаралық нарықтарда бәсекелестік заңнаманы қолдану практикасы, АСЕАН-ның бәсекелестікті бұзғаны үшін санкцияларды қолдану тәжірибесі, цифрлық нарықтарда бәсекелестікке қарсы практиканы болдырмау тәсілдемелері, жасанды интеллект және бәсекелестік, сондай-ақ өзара қызығушылық тудыратын басқа да бірқатар мәселе туралы сөз болады.

Армине Акопян әріптестерін 28-29 мамырда Астанада өтетін 5-ші Еуразиялық экономикалық форумға қатысуға шақырды. Оның шеңберінде бәсекелестік жөніндегі блоктың "Жасанды интеллект және бәсекелестіктің жаңа парадигмасы: ЕАЭО трансшекаралық нарықтарының дамуына қауіп пе немесе драйвер ме?" және "ЕАЭО-ға мүше мемлекеттерде мемлекеттік сатыпалымды цифрландыру: міндеттер мен тәсілдемелер" сессиялары өткізілетін болады, сондай-ақ бизнеске арналған Қоғамдық қабылдау бөлмесі жұмыс істейді.