Еуразиялық экономикалық комиссияның Алқасы өнеркәсіптік майлы спирттерге (ЕАЭО СЭҚ ТН коды 3823 70 000 0) қатысты кедендік әкелу бажын 2028 жылғы 31 қазанға дейін 0% мөлшерінде белгіледі. Қазіргі уақытта баж мөлшерлемесі 5% деңгейінде белгіленген.

Бұл тауарлар сұйық жуғыш және тазартқыш құралдар, сондай-ақ косметика өндірісінде, металлургия, тоқыма, былғары, лак-бояу, қағаз, тамақ, медициналық өнеркәсіп және ауыл шаруашылығында қолданылатын беттік белсенді заттарды өндіруге арналған шикізат болып табылады.

Қазір Еуразиялық экономикалық одақта өнеркәсіптік майлы спирттер өндірілмейді, сондықтан бар қажеттіліктер импорт арқылы өтеледі.

"Қабылданған кедендік-тарифтік реттеу шарасы Одақ елдеріндегі беттік-белсенді заттар өндірушілерін қолдауға, дайын өнімнің өзіндік құнын төмендетуге, сондай-ақ ЕАЭО ішкі нарығындағы бәсекеге қабілеттілікті арттыруға көмектеседі", – деп атап өтті ЕЭК-тің кедендік-тарифтік және тарифтік емес реттеу департаментінің директоры Ваагн Казарян.

Шешім ресми жарияланған күнінен бастап күнтізбелік 30 күн өткен соң күшіне енеді.