Еуразиялық экономикалық комиссияның, Ресей өнеркәсіпшілер мен кәсіпкерлер одағының, Еуразиялық ынтымақтастық Қаржы-бизнес қауымдастығының (ЕАЫ ҚБҚ) бірлескен дөңгелек үстелінде Еуразиялық экономикалық одақтың экономикалық дамуының негізгі бағыттарын әзірлеу тәсілдемелері қаралды.
Комиссия ұйымдастырған сессия ЭДНБ әзірлеу тәсілдемесін таңдауға арналды. Оның модераторы ЕЭК Макроэкономикалық саясат департаментінің директоры Алексей Ведев болды. Пікірсайысқа әлемдік экономика, халық шаруашылығын болжау, табиғи монополиялар бойынша сарапшылар, сондай-ақ инфрақұрылым және көлік мәселелері бойынша мамандар қатысты.
Сессияға қатысушылар ЕАЭО экономикалық дамуының негізгі бағыттары өзекті геоэкономикалық жағдайларды, әлемдік саудадағы өзгерістерді және жаһандық деңгейде өсіп келе жатқан сын-қатерлерді ескеруге тиіс екенін атап көрсетті. Сондай-ақ, ЕАЭО елдерінің экономикалық өсуі демографиялық және технологиялық факторларға, сондай-ақ нарықтардағы сыртқы жағдаятқа байланысты екені атап өтілді. Мұндай жағдайларда интеграцияны нығайту, кооперацияны дамыту және елдер арасында қосылған құн тізбегін құру өте маңызды. Сондай-ақ, ішкі ресурстарды тиімді пайдалануға, инфрақұрылымды дамытуға және стратегиялық жоспарлаудың заманауи құралдарын қолдануға негізделген өсудің жаңа моделін қалыптастыру қажеттілігі туралы мәселе талқыланды.
ЕЭК дөңгелек үстелі Еуразиялық "бестіктің" барлық елінің алаңдарында өтетін ЕАЭО-ның экономикалық дамуының негізгі бағыттарын әзірлеу тәсілдемелерін талқылау жөніндегі іс-шаралар циклын ашты.
Еуразиялық экономикалық одақтың экономикалық дамуының негізгі бағыттары – бұл бірлестіктің әрбір мемлекетінің қосымша экономикалық нәтиже алу үшін интеграциялық әлеуетті және бәсекелестік артықшылықтарды пайдалану есебінен ЕАЭО елдерінің әлеуметтік-экономикалық дамуының перспективалық бағыттарын айқындауға арналған құжат.
Құжатты Жоғары Еуразиялық экономикалық кеңес бекітеді.
