Отырыс барысында Мысырдағы өнеркәсіптік аймақтың инфрақұрылымына ресейлік компанияларға арналған жағдайларға ұқсас жағдайларда қолжеткізу мүмкіндігін алудан бөлек, ЕАЭО-ның басқа мемлекеттерінің әлеуетті резиденттері өз өнімін Араб Республикасының өзінде де, сол сияқты оның Африкадағы және Таяу Шығыстағы, Еуропадағы және Латын Америкасындағы әріптестерінің аумағында да бажсыз сата алатыны атап өтілді. "Бұл біздің еркін сауда туралы болашақ келісімімізге жақсы қосымша болады", — деп атап көрсетті Андрей Слепнев.
"Бүгін талқыланып отырған барлық мәселе өте өзекті сипатқа ие: Ресейдің Мысырдағы өнеркәсіптік аймақ бойынша бастамасы Үкіметаралық кеңестің қазандағы өкімімен бекітілген, өнеркәсіптік ынтымақтастықтың жаңа бағыттарын өткен жылы Үкімет басшылары бекітті, ал Сербия Республикасымен таяу уақытта Бірлескен комитет өткізу жоспарлануда. Осыған байланысты біз үшін бизнестен кері байланыс алу маңызды болып табылады. ЕЭК тиісті жүйелі жұмысты тұрақты негізде жүргізетінін сіздер білесіздер", — деп атап өтті Андрей Слепнев.
ЕАЭО шеңберіндегі және үшінші елдермен өнеркәсіптік ынтымақтастық бөлігінде өнеркәсіп блогының өкілі Жаслан Әзенов бизнесті Өнеркәсіптік ынтымақтастықтың негізгі бағыттарын іске асыру, кооперация мен экспорттың перспективалық бағыттары туралы және Одақта кооперациялық өндірісті қаржылық қолдаудың бекіту жоспарланған механизмі туралы хабардар етті. Сауда блогының өкілі Михаил Черекаев өз тарапынан экспортқа бағдарланған салаларға жәрдемдесу орайындағы преференциялы сауда келісімдерін жасасу туралы келіссөздер шеңберінде жүргізілетін белсенді жұмыс туралы айтты.