Бұл туралы Еуразиялық экономикалық комиссияның өнеркәсіп блогының өкілдері 6 қыркүйекте Нұр-Сұлтанда өткен жыл сайынғы PRO Lom металл сынықтары конференциясы шеңберінде мәлімдеді.
Форумға қатысушылар саланың таяудағы перспективадағы өзгерістеріне қатысты бірқатар түйінді мәселелерін, ағымдағы экономикалық жағдаятта сынық дайындаушылар үшін өсу мүмкіндіктерін, инновациялық техниканы қолдануды және қара әрі түсті металл сынықтарын өңдеу жөніндегі технологияларды, логистиканы дамытуды талқылады.
ЕЭК Өнеркәсіп және агроөнеркәсіптік кешен жөніндегі министрі Артак Камалянның іс-шараға қатысушыларға арналған, ЕЭК Өнеркәсіптік саясат департаменті директорының орынбасары Георгий Арзуманян оқып берген құттықтау сөзінде "Ағымдағы жағдаятта шоғырландыру үшін, соның ішінде Комиссия алаңында Одақ елдерінің ЕАЭО ішкі нарығында металл сынықтарының кедергісіз орын ауыстыруын қамтамасыз ету жөніндегі күш-жігері, жаңа логистикалық тізбектерді қалыптастыру, сынық дайындау саласын дамыту бойынша қосымша шаралар қабылдау, сынық тасымалдау саласында логистиканы дамыту үшін ЕАЭО-ның интеграциялық әлеуетін пайдалану өте маңызды" деп атап өтілген.ЕЭК деректері бойынша, ЕАЭО-да қара металдарды дайындау әлеуеті жылына 40-тан 80 млн тоннаға дейін құрайды. Бұл ретте болат шығару үшін металл сынықтары пайдаланылатын электр болат балқыту қуаттарының жиынтық көлемі 40-тан 50 млн тоннаға дейін құрайды.
«Сібір және Қиыр Шығыс сынық дайындаушылар бірлестігі» («Про Лом» СҚҚ) сынықты қайта өңдеушілер қауымдастығы Ресей Федерациясының Сібір және Қиыр Шығыс федералдық округтерінде қара және түсті металдардың сынығы мен қалдықтарының айналысы саласының 100-ден астам қатысушысын біріктіретін коммерциялық емес ұйым болып табылады.
«PRO Lom» салалық металл сынықтары конференциясы – саланың, соның ішінде Одақ шеңберіндегі өзекті мәселелерін талқылауға арналған дәстүрлі кәсіби алаң. Осы жылғы іс-шараның негізгі мақсаты - өзара қарым-қатынастар деңгейін ашық және орнықты етуге қабілетті өзара іс-қимыл механизмдерін дамыту, жақсарту және шешімдерді іздестіру бөлігінде Қазақстан мен Ресейдің салалық компанияларын біріктіру. Конференцияға Ресей мен Қазақстанның әр өңірінен 650-ден астам адам қатысты, олардың арасында - уәкілетті органдардың өкілдері, екі елдің металл сынықтарын дайындайтын жетекші кәсіпорындары, сондай-ақ сынықтарды өңдеуге арналған жабдықтар мен техника өндірісіндегі әлемдік көшбасшылар бар.