Еуразиялық экономикалық комиссия Алқасы  Еуразиялық экономикалық одаққа мүше мемлекеттердің бастамасы бойынша Тауарларға арналған декларацияны толтыру тәртібіне өзгерістер енгізді.

Өзгерістер Тауарларға арналған декларацияны толтыру тәртібіне № 2 және 3 қосымшаларға енгізілді және тауарларды кедендік декларациялау кезіндегі мәліметтерді көрсету қағидаларының біркелкілігін одан әрі жетілдіруге бағытталған.

Шешім көрсетілген қосымшаларды бірқатар күрделі, қымбат тұратын және салықты көп қажет ететін техникалық тауарларға қатысты қажетті мәліметтерді жан-жақты сипаттай отырып, ЕАЭО СЭҚ ТН тиісті кодтарымен толықтырады.

"Тараптардың бастамаларын іске асыру тауарларды сәйкестендіруге және кедендік бақылаудың тиімділігін арттыруға, соның ішінде тауарлар шығарылғаннан кейін декларанттардың қосымша құжаттар мен мәліметтерге сұраныстарын барынша азайтуға, өзге де қосымша тексеру іс-шараларын жүргізу ықтималдығын төмендетуге ықпал ететін болады", – деп атап өтті ЕЭК Кедендік ынтымақтастық жөніндегі министрі Сергей Шкляев.

ЕАЭО Кеден кодексінің 105-бабының 5-тармағына сәйкес кедендік декларацияны толтыру тәртібін ЕЭК айқындайды.

Тауарларға арналған декларацияны толтыру тәртібі Кеден одағы Комиссиясының 2010 жылғы 20 мамырдағы № 257 шешімімен бекітілген.

Тәртіпке № 2 қосымшада ішкі тұтыну, кеден қоймасы, кеден аумағында қайта өңдеу, кеден аумағынан тыс қайта өңдеу, уақытша әкелу (жіберу), уақытша әкету, кері импорт, кері экспорт, еркін кеден аймағы, еркін қойма үшін шығарудың кедендік рәсімдеріне орналастырылатын тауарлардың жекелеген санатына қатысты көрсетілетін нақтылау мәліметтерінің тізбесі қамтылады, ал №3 қосымша – мемлекет пайдасына бас тартудың кедендік рәсімімен орналастырылатын тауарлар.